काठमाडौं । सप्तकोशी डेभलपमेन्ट बैंकको विशेष साधारण सभा वैशाख १५ गते हुने भएको छ । सप्तकोशीले कार्यक्षेत्र विस्तार गर्ने प्रस्ताव सहित साधारण सभा बोलाएको हो ।। सभा प्रयोजनका लागि बैंकले चैत ३० देखि बैशाख १५ गतेसम्म बुक क्लोज गर्नेछ ।
बैंकको यसअघि माघ १३ गते सम्पन्न साधारण सभाले गत वर्षको नाफाबाट ४.७८प्रतिशत बोनस सेयर वितरण गर्ने प्रस्ताव पारित गरिसकेको छ । चुक्ता पुँजी ४८ करोड ५३ लाख रुपैयाँ रहेको यस बैंकको ४.७८ प्रतिशत बोनसपछि चुक्ता पुँजी ५० करोड ३८ लाख ४३ हजार १४९ रुपैयाँ पुगेको छ ।
चालु आर्थिक वर्षको दोस्रो त्रैमासमा सप्तकोशीले १ करोड ९ लाख १२ हजार रुपैयाँ खुद नाफा कमाएको छ । प्रतिसेयर आम्दानी २ रुपैयाँ २५ पैसा रहेको सप्तकोशीको प्रतिसेयर नेटवर्थ १०३ रुपैयाँ ४६ पैसा छ ।
[pdf-embedder url=”http://www.arthatantra.com/wp-content/uploads/2018/04/saptakoshi-bank.pdf” title=”saptakoshi bank”]
२०७४ चैत १९ गते प्रकाशित
वि.सं.२०७४ चैत १९ सोमवार १७:४७ मा प्रकाशित