काठमाडौं। राष्ट्रिय पुनःनिर्माण प्राधिकरणले घर निर्माण अनुदानको दोस्रो किस्ता बुझ्ने म्याद थप गरेको छ। प्राधिकरणको निर्देशक समितिको बैठकले दोस्रो किस्ता बुझ्ने म्याद असार मसान्त सम्म पुर्याउने निर्णय गरेको प्राधिकरणका प्रमुख कार्यकारी निर्देशक युवराज भुसालले जानकारी दिनुभयो।
यसअघि प्राधिकरणले चैत मसान्तसम्म दोस्रो किस्ता वापतको रकम वितरण गर्ने जनाएको थियो। यसबीचमा केही लाभग्राहीहरु दोस्रो किस्ता वापतको रकम बुझ्ने सक्ने अवस्थामा नरहेको कारण म्याद थपिएको उहाँले जानकारी दिनुभयो ।
अनुदान व्यवस्थति गर्नका लागि जिल्लामा तीन वटा इकाइ बनाउने निर्णय समेत भएको भुसालले जानकारी दिनुभयो । बैठकले जिल्लामा अनुदान तथा स्थानीय पूर्वाधार व्यवस्थापन इकाइ, भवन पुनःनिमार्ण इकाइ र शिक्षा इकाइ गठन गर्ने निर्णय गरेको हो।
२०७४ चैत २० गते प्रकाशित
वि.सं.२०७४ चैत २० मंगलवार १४:४० मा प्रकाशित