काठमाडौ । नेपाल सेवा लघुवित्त वित्तिय संस्था लिमिटेडले एक लाख ८० हजार कित्ता साधारण सेयर जारी गर्ने भएको छ । कम्पनीले जारी पूँजीको ३० प्रतिशत साधारण सेयर (आईपिओ) जारी गर्न धितोपत्र बोर्डबाट अनुमती पाएको छ ।
कम्पनीले ४ करोड २० लाख रुपैँयाको ३० प्रतिशत अर्थात १ लाख ८० हजार कित्ता सेयर एक सय रुपैँया अंकित मूल्यमा सर्वसाधारणलाई बेच्न लागेको हो । आईपिओ पछिको संस्थाको चुक्ता पूँजी ६ करोड रुपैँया पुग्नेछ ।
कम्पनीले संस्थापक पूँजी २ करोड १० लाख रुपैँयाको शतप्रतिशत हकप्रद बेचेर पूँजी वृद्धि गरेको थियो । लघुवित्तले साधारण सेयर जारी गर्नका लागि एनएमबी क्यापिटललाई सेयर निष्काशक तथा विक्री प्रबन्धक तोकेको छ ।
२०७१ मंसिर ८ गतेबाट सिन्धुपाल्चोकको फटकसिलाबाट कारोवार सञ्चालन गरेको लघुवित्तले सिन्धुपाल्चोकको १२ वटा गाविस सहित रसुवा र नुवाकोट गरी ३ जिल्लामा आठ वटा वटा शाखा कार्यालय मार्फत लघु वित्तीय सेवा प्रदान गर्दै आएको छ । लघुवित्तको अधिकृत पूँजी १० करोड तथा जारी पूँजी ६ करोड रुपैयाँ रहेको छ ।
२०७४ चैत २० गते प्रकाशित ।
वि.सं.२०७४ चैत २० मंगलवार २०:१४ मा प्रकाशित