काठमाडौं । उन्नति माइक्रोफाइनान्स वित्तीय संस्थाले यसअघि घोषणा गरिएको २५ प्रतिशत हकप्रद परिवर्तन गरेको छ । अब २० प्रतिशत मात्र हकप्रद ल्याउने उन्नतिले जानकारी दिएको हो । कम्पनीको बुधबार सम्पन्न साधारण सभाले पुरानो प्रस्ताव परिमार्जन गर्ने निर्णय गरेको हो । अब कम्पनीले चुक्ता पुँजी ५ करोड ५० लाख रुपैयाँबाट २० प्रतिशत हकप्रद बेच्नेछ । यसआधारमा १ करोड १० लाख रुपैयाँको १ लाख १० हजार रुपैयाँ हकप्रद आउने देखिन्छ ।
उन्नति माइक्रोफाइनान्सले केही समय अघि १ लाख ६५ हजार कित्ता आइपीओ बिक्री गरेको थियो । यो आइपीओ सहित कुल ५ लाख ५० हजार कित्ता सेयर कारोबारका लागि नेप्सेमा सूचीकृत समेत भइसकेको छ । कम्पनीले गत पुस २१ गतेदेखि २५ गतेसम्म जारी पुँजीको ३० प्रतिशत आइपीओ बिक्री गरेको थियो ।
उन्नतिले गत आर्थिक वर्षमा १ करोड ६९ लाख ४५ हजार रुपैयाँ खुद नाफा कमाएको छ । यसको प्रतिसेयर आम्दानी ४४ रुपैयाँ २ पैसा छ ।
२०७४ चैत २२ गते प्रकाशित
वि.सं.२०७४ चैत २२ बिहीवार १४:५५ मा प्रकाशित