काठमाडौं । समता माइक्रोफाइनान् ले चुक्ता पूँजीको ५० प्रतिशत हकप्रद जारी गर्ने प्रकृया अगाडि बढाएको छ । बाराको सिमरामा केन्द्रीय कार्यालय रहेको लघुवित्तले दुर्इ बराबर एक अनुपातमा एक लाख ७९ हजार ६०० कित्ता हकप्रद जारी गर्न लागेको हो ।
माइक्रोफाइनान्सले हकप्रद सेयर निष्काशनका लागि एनआईबिएल एस क्यापिटललाई विक्री प्रबन्धक नियुक्त गरेको छ ।
५० प्रतिशत हकप्रद जारी गर्नका लागि लघुवित्तले चैत १३ गते निवेदन दर्ता गराएको नेपाल धितोपत्र बोर्डले जनाएको छ । कम्पनीकोे मंसिर १६ गते सम्पन्न चौथो बार्षिक साधारण सभाले हकप्रद जारी गर्ने प्रस्ताव पारित गरेको थियो ।
गत बर्षको नाफाबाट २० प्रतिशत बोनस वितरण गरेको लघुवित्तको चुक्ता पूँजी तीन करोड ८९ लाख २० हजार रुपैयाँ रहेको छ । ५० प्रतिशत हकप्रद पश्चात कम्पनीको चुक्ता पूँजी पाँच करोड ६८ लाख ८० हजार रुपैयाँ पुग्नेछ ।
बिहीबार लघुवित्तको सेयरमूल्य प्रतिकित्ता ६१९ रुपैयाँमा कारोबार भएको छ ।
२०७४ चैत २३ गते प्रकाशित
वि.सं.२०७४ चैत २३ शुक्रवार १४:४९ मा प्रकाशित
