काठमाडौं । पोखरा फाइनान्सको १ लाख ८० हजार ७०१.७४ कित्ता सेयर लिलामी भर्ने चैत २५ गते आइतबार अन्तिम दिन हो । यस फाइनान्सले चैत १८ गतेदेखि संस्थापक समूहको ८० हजार ३४८.२७ कित्ता र सर्वसाधारण समूहको १ लाख ३५३.७४ कित्ता सेयर लिलामीमा बिक्री खुला गरेका छ । लगानीकर्ताले न्यूनतम १०० रुपैयाँलाई आधार मानेर लिलामी भर्नुपर्नेछ । नेप्सेमा यो फाइनान्सको बिहीबारको अन्तिम कारोबार मूल्य प्रतिकित्ता १४४ रुपैयाँ छ ।
बोनस र हकप्रद पछिको चुक्तापूँजी ८१ करोड ६४ लाख रूपैंया रहेको फाईनान्सको दोस्रो बजारमा प्रतिकित्ता सेयरमूल्य १४२ रुपैयाँ रहेको छ । कम्पनीले लिलामीको जिम्मा एनआईबिएलएस क्यापिटललाई दिएको छ । प्रतिसेयर आम्दानी १२ रुपैयाँ ३० पैसा रहेको यस कम्पनीको प्रतिसेयर नेटवर्थ १५१ रुपैयाँ ३१ पैसा छ ।
फाइनान्सको लिलामी सेयरमा चैत २५ गते सम्म बिक्री प्रकन्धक एनआईबिएल एस क्यापिटल, पोखरा फाइनान्स न्यूरोड र एनआईबिएल बैंकका विराटनगर, सुर्खेत, बीरगञ्ज, नेपालगन्ज, बुटवल, नारायणगड र धनगढीका शाखा कार्यलयहरूबाट आवेदन गर्न सकिने जनाईएको छ ।
२०७४ चैत २३ गते प्रकाशित
वि.सं.२०७४ चैत २३ शुक्रवार १७:४९ मा प्रकाशित
