एभरेष्ट इन्सुरेन्सको १० प्रतिशत बोनसमा मूल्य समायोजन, हेर्नुहोस् कतिमा खुल्यो कारोबार

काठमाडौं । एभरेष्ट इन्सुरेन्सको १० प्रतिशत बोनस सेयरमा मूल्य समायोजन भएको छ । समायोजनपछि प्रतिकित्ता १३ सय १४ रुपैयाँ कायम भएको छ । सोमबार बजार खुल्दा एभरेष्टको सेयर कारोबार १३ सय १४ रुपैयाँलाई नै आधार मानेर खुल्नेछ । यसको औसत आधार मूल्य भने १३ सय ५२ रुपैयाँ ८२ पैसा छ । एभरेष्ट इन्सुरेन्सले वैशाख १० मा हुने साधारण सभाको लागि सोमबारदेखि नै बुक क्लोज गरेको छ ।

एभरेष्टले १० प्रतिशत बोनसपछि कायम हुने १३ करोड ३६ लाख ५० हजार रुपैयाँ चुक्ता पुँजीमा १०५ प्रतिशत संस्थापक हकप्रद जारी गर्ने भएको हो । यसपछि कायम पुँजीमा फेरि अर्को ८२ करोड १९ लाख ४७ हजार ५०० रुपैयाँ बराबरको ३०० प्रतिशत हकप्रद जारी हुनेछ । यसरी बोनस र हकप्रदपछि यस इन्सुरेन्सले चुक्ता पुँजी १ अर्ब ९ करोड ५९ लाख ३० हजार रुपैयाँ पुर्याउनेछ ।

सभा अग्रवाल भवन, कमलपोखरी काठमाडौंमा दिउँसो २ बजे सुरु हुनेछ । कम्पनीले ६ लाख ३९ हजार ४७४ रुपयाँ नगद लाभांश दिने प्रस्ताव लैजानेछ । कम्पनीले संस्थापक हिस्सा ५१ प्रतिशत बनाउन पहिला १०५ प्रतिशत संस्थापक हकप्रद र यसपछि कायम हुने सम्पूर्ण सेयरधनीलाई फेरि ३०० प्रतिशत हकप्रद जारी गर्ने प्रस्ताव पनि पेश गर्दैछ ।

२०७४ चैत २६ गते प्रकाशित

२०७४ चैत्र २६ गते १३:२४ मा प्रकाशित

You can share this post!

अवैध रुपमा मदिरा ओसारपसार गर्ने भारतीयसहित छ जना पक्राउ

धनुषामा पाँच वर्षीया बालिका बलात्कृत

Related posts