काठमाडौं । सूर्या लाइफ इन्सुरेन्सले ४० प्रातिशत हकप्रद जारी गर्न वैशाख ५ मा बुक क्लोज गर्ने भएको छ । वैशाख ४ गतेसम्म कायम सेयरधनीले यस कम्पनीको हकप्रद सेयरमा आवेदन दिन सक्नेछन् । बुक क्लोज हुनुभन्दा अघिल्लो दिनसम्म कायम सेयरधनीले मात्र हकप्रद भर्न पाउने हुँदा वैशाख ४ गते भित्र सेयरधनी भइसक्नुपर्नेछ ।
सूर्या लाइफले ४० प्रतिशत हकप्रद निष्कासनका लागि धितोपत्र बोर्डबाट अनुमति पाइसकेको छ । १० बराबर ४ अनुपातमा २८ लाख ८७ हजार ५ सय कित्ता हकप्रद बेच्नको लागि बाटो खुलेको छ । यसमा बिक्री प्रबन्धकको काम एनआइसी एसिया क्यापिटल लिमिटेडले गर्नेछ ।
सूर्या लाइफको गत भदौं २७ गते सम्पन्न साधारण सभाले ४० प्रतिशत हकप्रद जारी गर्ने प्रस्ताव पारित गरेको थियो । सोही निर्णय बमोजिम सूर्याले अहिले हकप्रद निष्काशन प्रक्रिया अघि बढाएको हो । हाल यस कम्पनीको चुक्ता पुँजी ७२ करोड १८ लाख ७५ हजार रुपैयाँ छ । यही चुक्ता पुँजीबाट ४० प्रतिशत हकप्रद निष्कासन गर्न लागिएको हो ।
४० प्रतिशत हकप्रदपछि चुक्ता पुँजी १ अर्ब १ करोड ६ लाख २५ हजार रुपैयाँ पुग्नेछ । प्रतिसेयर आम्दानी २० रुपैयाँ १३ पैसा रहेको यस कम्पनीको प्रतिसेयर नेटवर्थ भने १५१ रुपैयाँ ६९ पैसा छ ।
२०७४ चैत २६ गते प्रकाशित
वि.सं.२०७४ चैत २७ मंगलवार १२:५९ मा प्रकाशित