काठमाडौं । महालक्ष्मी विकास बैंकको वार्षिक साधारण सभा वैशाख २१ गते हुने भएको छ । महालक्ष्मीले गत वर्षको कमाईबाट ९ प्रतिशत नगद लाभांश दिने प्रस्ताव पेश गर्दैछ । नगद लाभांशका लागि महालक्ष्मीले २३ करोड ७० लाख ४१ हजार ७७० रुपैयाँ खर्च गर्नेछ । अन्य बैंक तथा वित्तीय संस्था महालक्ष्मीमा गाभिने अवस्था आएमा त्यससम्बन्धी सम्पूर्ण काम गर्ने अधिकार सञ्चालक समितिलाई दिने एजेन्डा पनि बैंकले साधारण सभामा लैजानेछ ।
सभा प्रयोजनका लागि महालक्ष्मीले बैशाख ७ गतेदेखि २१ गतेसम्म बुक क्लोज गर्ने छ । वैशाख ६ गतेसम्म मात्र कायम सेयरधनीले मात्र नगद लाभांश पाउनेछन् । हाल बैंकको चुक्ता पुँजी २ अर्ब ६३ करोड ३७ लाख ९७ हजार रुपैयाँ छ । बैंकले यही पुँजीबाट नगद लाभांश वितरण गर्न लागेको हो । साधारण सभा अल इन वन मार्ट, क्राउन ब्यांक्वेट मिनभवन काठमाडौंमा बिहान १० बजे सुरु हुनेछ ।
महालक्ष्मीले यसअघि राष्ट्र बैंकले तोकेको चुक्ता पुँजी पुर्याउन यति डेभलपमेन्ट लाई मर्ज गरेको थियो । दुवै बैंक १ः१ को स्वाप रेसियोमा मर्ज भएका हुन् । चालु आर्थिक वर्षको दोस्रो त्रैमासमा यस बैंकले २० करोड ५४ लाख ४० हजार रुपैयाँ खुद नाफा कमाएको छ । प्रतिसेयर आम्दानी १५ रुपैयाँ ६० पैसा वार्षिक रहेको महालक्ष्मीको प्रतिसेयर नेटवर्थ १४९ रुपैयाँ ५५ पैसा छ ।
२०७४ चैत २८ गते प्रकाशित
वि.सं.२०७४ चैत २८ बुधवार २१:०९ मा प्रकाशित