काठमाडौं । रैराङ हाइड्रोपावर डेभलपमेन्ट कम्पनीले ८ लाख ४० हजार कित्ता आइपीओ बिक्री गर्न अनुमति पाएको छ । कम्पनीले प्रतिकित्ता १०० रुपैयाँ दरको आइपीओ सर्वसाधारणमा जारी गर्न धितोपत्र बोर्डबाट अनुमति पाएको हो । यसमा बिक्री प्रबन्धकको काम एनआइबीएल एस क्यापिटलले गर्नेछ ।
कम्पनीले यसअघि पाँचथर र ताप्लेजुङ जिल्लाका आयोजना प्रभावित स्थानीयबासीलाई ५ लाख ६० हजार कित्ता आइपीओ बिक्री गरेको थियो । रैराङले जारी पुँजीको १५ प्रतिशत सेयर कर्मचारी र सर्वसाधारणलाई लागि बिक्री गर्न लागेको हो । कम्पनीको जारी पुँजी ५६ करोड रुपैयाँ छ । यसमा संस्थापक सेयरधनीको स्वामित्व ७५ प्रतिशत छ ।
रैराङ हाइड्रोपावरले यसअघि धादिङमा ५०० किलोवाट क्षमताको जलविद्युत आयोजना निर्माण सम्पन्न गरी विद्युत्त उत्पादन गरेको छ ।
२०७५ बैशाख ९ गते प्रकाशित
वि.सं.२०७५ वैशाख ९ आइतवार १६:१० मा प्रकाशित
