काठमाडौं । कर्णाली डेभलपमेन्ट बैंकको २२५ प्रतिशत हकप्रद सेयर बाँडफाँट भएको छ । बैंकले ३३ लाख ९७ हजार ५०० कित्ता सेयर बिक्री खुला गरेकोमा १६ लाख ३५ हजार ३१२ कित्ताका लागि मात्र आवेदन परेको छ । यसआधारमा १७ लाख ६२ हजार १८८ कित्ता हकप्रद बिक्री हुन सकेन ।
बिक्री नभएको सेयर कर्णालीले अब लिलामीमा ल्याउनेछ । यस हकप्रदमा ११ हजार ७१३ जनाले आवेदन दिएका थिए । बैंकले माघ ११ गतेदेखि चैत १ गतेसम्म १ बराबर २.२५ अनुपातमा ३३ लाख ९७ हजार ५०० कित्ता हकप्रद सेयर बिक्री खुला गरेको हो ।
हाल बैंकको चुक्ता पुँजी १५ करोड १० लाख रुपैयाँ छ । बाँकी रहेको सेयर लिलामीमा बिक्रीपछि चुक्ता पुँजी ४९ करोड ७ लाख ५० हजार रुपैयाँ पुग्नेछ ।
२०७५ बैशख ११ गते प्रकाशित
वि.सं.२०७५ वैशाख ११ मंगलवार १९:३८ मा प्रकाशित
