काठमाडौं। नेपाल सेवा लघुवित्त वित्तीय संस्थाले निष्कासन गरेको आईपिओमा ८२ गुणा बढी आवेदन परेको छ । संस्थाले एक साता अघि एक लाख ६७ हजार ४ सय कित्ताको लागि बिक्री खुला गरेको थियो। जसमा एक करोड ३७ लाख ५६ हजार ९९० कित्ताको लागि आवेदन परेको एनएमबी क्यापिटलले जनाएको छ। यो सर्वसाधारणबाट माग भएको भन्दा ८२ गुणा आवेदन हो।
दुई लाख आठ हजार १३१ आवेदकबाट एक अर्ब ३७ करोड ५६ लाख ९९ हजार रुपैयाँ बराबरको एक करोड ३७ लाख ५६ हजार ९९० कित्ताका लागि आवेदन परेको छ। आवेदनकर्तामध्ये घरैबाट मेरो शेयर अनलाईन मार्फत ८४ हजार ४४५ जनाले आवेदन दिएका छन्।
एक लाख ८० हजार कित्ता निष्कासन गरेकोमा कर्मचारीकालागि ३६०० कित्ता र ९ हजार कित्ता सामुहिक लगानी कोषकालागि छुट्याएको थियो जसमध्ये एक लाख ६७ हजार ४०० कित्ता सर्वसाधारणकालागि निष्कासन भएको थियो।
संस्थाले निष्कासन गरेको शेयर आइतबारबाट बन्द भएको छ । ६ करोड रुपैया जारी पूँजी रहेको संस्थाले ३० प्रतिशतकालागि सार्वजनिक रुपमा प्राथमिक शेयर निष्कासन गरेको हो।
२०७५ बैशाख १९ गते प्रकाशित
वि.सं.२०७५ वैशाख १९ बुधवार १६:१७ मा प्रकाशित