काठमाडौं । स्वभावैले बालबालिका आमाबाबुको काखमा रमाउन चाहन्छन् । खेल्न चाहन्छन् । संधैभरी खुशि र सुखि भएको देख्न चाहन्छन् । तर पछिल्लो समय श्रीमान श्रीमतिकाबिच हुने असमझ्दारी, झगडाले छुट्टिनेसम्मको अवस्था आउँदा दुवैको मायाको साक्षी बालबालिका भने ठुलो मानसिक यातना खेप्न बाध्य छन् ।
बाबुआमा संधै घरमा झगडा गरेर सन्तानको ख्याल नगर्दा बालबालिकामा पर्ने असर अनि त्यहि कारण निम्तिएको डिभोर्सले जीवित रहेता पनि आमाबाबु गुमाएझेैं महसुस हुने गरि बालबालिकाको भावना समेटेर तयार गरिएको गीत सात वर्षकी सुप्रिना कार्कीले गायन तथा अभिनय गरेकी छन् । शब्द रचना केडी राई संगित ममोहन मगर र रोशन बान्तवाले एरेन्ज गरेको गीत सङ्स नेपाल मार्फत युट्युवमा आएको छ ।
यतिबेला चर्चाको शिखर चुम्दै गरेको गीतले डिभोर्स गरेका सेलिब्रेटी दम्पती कथामाथि ब्यंग्यत्मक झापड प्रहार गर्दै पिडामा परेका बालबालिकालाई मलम पट्टि लगाएको छ ।
बालकलाकार कार्कीको यो दोस्रो कोसेली हो । यस अघि बिदेशमा रहने आमाबाबुलार्इ सम्झंदै दशैं तिहारमा बाबलबालिकाको मनोविज्ञान समेटेको गीत तथा म्युजिक भिडियोले निकै चर्चा कमाइसकेको छ ।
धादिङको महादेवबेसी स्थायी घर भएकी कार्की शनिबार मादेवबेसी बजारमा चलिरहेको महादेवबेसी राजमार्ग मिनि महोत्सवमा स्टेज शोमा सहभागी हुँदै छिन् । कार्की आउने खवर आयोजकले एफएम र माइकबाट गुञ्जयमान गराइरहँदा स्थानीय हषिर्त भएका छन् । कार्कीको आगमनले दर्शकको भिड लाग्ने अनुमान गरिएको छ ।
गीत यहाँ हेर्नुहोस
२०७५ बैशाख २१ गते प्रकाशित
वि.सं.२०७५ वैशाख २१ शुक्रवार २३:५६ मा प्रकाशित
