काठमाडौं। एशियन लाइफ इन्स्योरेन्स कम्पनीले जेठ १९ गते १० औं वार्षिक साधारणसभा डाकेको छ। साधारणसभामा संचालक समितिले गत आर्थिक वर्षको नाफाबाट ४ प्रतिशत बोनस शेयर दिने प्रस्ताव गरेको छ। कम्पनीले हकप्रदबाट कायम भएका शेयरधनीलार्इ समेत गरेर ४ करोड ८३ लाख रुपैयाँ बोनस शेयर दिने जनाएको छ।
कम्पनीले संस्थापक र सर्वसाधारणको पूँजी संरचना ७०ः३० को अनुपातलार्इ परिवर्तन गरी ५१ः४९ पुर्याउने भएको छ। यसकालागि कम्पनीले संस्थापकको शेयर सर्वसाधारणमा परिवर्तन गर्ने प्रस्ताव अघि बढाएको हो।
हकप्रद र बोनसपछि कम्पनीको चुक्ता पूँजी एक अर्ब २५ करोड रुपैयाँ पुग्नेछ। बीमा समितिले निर्देशन गरेको दुर्इ अर्ब पूँजी जुटाउन कम्पनीले थप ६० प्रतिशत हकप्रद जारी गर्ने भएको छ। हकप्रद जारी गरेसँगै कम्पनीको चुक्ता पूँजी दुर्इ अर्ब रुपैयाँ नाघ्नेछ। कम्पनीले अधिकृत पूँजी २ अर्ब रुपैयाँबाट ५ अर्ब रुपैयाँ पुर्याउने भएको छ। साधारणसभा प्रयोजनको लागि कम्पनीले जेठ ४ गतेदेखि जेठ १८ गतेसम्म बुक क्लोज गर्ने समेत जनाएको छ।
२०७५ बैशाख २५ गते प्रकाशित
वि.सं.२०७५ वैशाख २५ मंगलवार १२:०१ मा प्रकाशित
