काठमाडौं । नेपाल राष्ट्र बैंकले २ अर्ब रुपैयाँको ‘नागरिक बचतपत्र–२०८०’ निष्कासन गर्ने भएको छ । केन्द्रीय बैंकले आगामी ५ वर्षका लागि ९ प्रतिशत ब्याजदरमा नागरिक बचतपत्र जारी गर्न लागेको हो । यो बचतपत्रको बिक्री जेठ २ गतेदेखि २२ गतेसम्म खुला रहनेछ । जेठ २८ गते यो बचतपत्र निष्कासन हुनेछ ।
बचतपत्र खरिद गर्न चाहनेले न्यूनतम १० हजार रुपैयाँदेखि अधिकतम १० हजार रुपैयाँले भाग जाने सबै रकमका लागि आवेदन दिनुपर्नेछ । राष्ट्र बैंकले ६–६ महिनामा ब्याज भुक्तानी गरिने जनाएको छ । बचतपत्र धितो राखी राष्ट्र बैंक बाहेक अन्य बैंक तथा वित्तीय संस्थाबाट कर्जा लिन र दिनसमेत पाइने यसको सावाँ भुक्तानी २०८० जेठ २८ गते हुनेछ ।
२०७५ बैशाख २६ गते प्रकाशित
वि.सं.२०७५ वैशाख २६ बुधवार ११:५३ मा प्रकाशित