काठमाडौं । सिद्धार्थ बैंकले बिहीबार आज देखि २ लाख १४ हजार ३३५.५५ कित्ता सेयर लिलामीमा ल्याएको छ । बैंकले गत फागुन २ गतेदेखि निष्काशन गरेको ६८ लाख २६ हजार ११७ कित्ता सेयरमध्ये एक लाख ७४ हजार ३१५ कित्ता सर्वसाधारण र ४० हजार २० दशमलव ६४ कित्ता संस्थापक समूहको सेयर विक्री नभएपश्चात लिलाम बढाबढमा विक्री गर्न गर्न लागेको छ । बैंकले जेठ ३ गतेदेखि १० प्रतिशत हकप्रदमा अवितरित भएको २ लाख १४ हजार ३३५ कित्ता सेयर लिलामी गर्ने भएको हो । नेप्सेमा बुधबार सिद्धार्थको अन्तिम सेयर कारोबार भने प्रतिकित्ता ३३५ रुपैयाँमा भएको हो ।
हकप्रद सेयर लिलामी खरिद गर्न लगानीकर्ताले बिक्री प्रवन्धक सिद्धार्थ क्यापिटलको कार्यालय नक्साल तथा सिद्धार्थ बैंकको विराटनगर, सुर्खेत, वीरगञ्ज, नेपालगञ्ज, पोखरा, बुटवल र धनगढी शाखाबाट जेठ १० गतेसम्म शिलबन्दी बोलपत्र पेश गर्न सक्नेछन् ।
यसमा दुवै समूहतर्फ न्यूनतम १०० कित्तादेखि अधिकतम सबै कित्ताका लागि आवेदन दिन पाइनेछ । हाल सिद्धार्थको चुक्ता पुँजी ८ अर्ब १ करोड २१ लाख ७१ हजार रुपैयाँ छ । सेयर लिलामी बिक्रीपछि चुक्ता पुँजी ८ अर्ब ४६ करोड ४३ लाख ८५ हजार २७२ रुपैयाँ पुग्नेछ । बैंकले चालु आर्थिक वर्षको तेस्रो त्रैमासमा १ अर्ब २२ करोड ५१ लाख ९३ हजार खुद नाफा कमाएको छ । प्रतिसेयर आम्दानी २० रुपैयाँ २२ पैसा रहेको यस बैंकको प्रतिसेयर नेटवर्थ १४४ रुपैयाँ ९५ पैसा छ ।
२०७५ जेठ ३ गते प्रकाशित
वि.सं.२०७५ जेठ ३ बिहीवार १३:५० मा प्रकाशित