काठमाडौं । मितेरी डेभलपमेन्ट बैंकले गत पुस २२ गते पारित गरेको ३१.४८ प्रतिशत बोनस सेयर डिम्याट खातामा जम्मा गरिदिएको छ । मितेरीले साधारण सभाका बुक क्लोज भएको मिति पुस ४ गते भन्दा अघि सेयर डिम्याट गराएका सेयरधनीको बोनस खातामै जम्मा गरिदिएको हो ।
बुक क्लोजपछि सेयर डिम्याट गराउने सेयरधनीले पनि रजिष्ट्रार प्रभु क्यापिटलमा निवेदन दिएपछि खातामै बोनस पाउनेछन् । पुस ३ गतेसम्म सेयर धितो राखेर कर्जा लिएका सेयरधनीले सम्बन्धित बैंक तथा वित्तीय संस्थाको स्वीकृति पत्र बुझ ाएपछि मात्र खातामा बोनस जम्मा गरिने मितेरीले जानकारी दिएको छ ।
बोनसपछि मितेरीले चुक्ता पुँजी ५० करोड रुपैयाँ पुर्याएको छ । चालु आर्थिक वर्षको तेस्रो त्रैमासमा यो बैंकले ७ करोड २८ लाख ८८ हजार रुपैयाँ खुद नाफा कमाएको छ ।
२०७५ जेठ ११ गते प्रकाशित
वि.सं.२०७५ जेठ ११ शुक्रवार १३:१६ मा प्रकाशित