गृहमन्त्री थापाले भने, महँगी बजेटले बढेको होइन, अन्तर्राष्ट्रिय कारणले हो

विराटनगर।गृहमन्त्री रामबहादुर थापा बादलले बजेटका कारणले महँगी नबढेको बताएका छन्। ‘अहिलेको महँगी कुनै आन्तरिक कारण वा अर्थमन्त्रीले पेश गर्नुभएको बजेटले गर्दा बढेको होइन’, गृहमन्त्री बादलले भने, ‘महँगी बढ्नुमा अन्तर्राष्ट्रिय कारण छ । पेट्रोलियम पदार्थ र विभिन्न वस्तुको मूल्यमा आइरहने उचारचढावका कारण महँगी बढेको हो ।’प्रदेश नम्बर १ स्तरीय प्रदेश सुरक्षा गोष्ठीको उद्घाटन गर्न शुक्रबार बिहान विराटनगर आएका मन्त्री थापाले अहिलेको मूल्यवृद्धि अन्तर्राष्ट्रिय अर्थतन्त्रमा आधारित भएको बताए ।

वाह्य कारणले भएको महँगी बढिरहेको हुँदा यसमा सरकार र विशेष गरी अर्थमन्त्रीलाई दोष दिनु आवश्यक नभएको उनको दाबी थियो ।मन्त्री रामबहादुरले काम नगर्ने वा ढिलो गर्ने ठेकेदारलाई कारबाही गर्न कानुनको अभाव नभएको दाबी गरे ।‘

मन्त्री थापाले भौतिक योजना मन्त्रालयका मातहतमा ठेकेदारलाई कारबाही गरिने र गृहले कारबाहीमा सहयोग गर्ने जानकारी दिए । उनले अब कसैले पनि कालोबजारी गर्न नसक्ने चेतावनी दिँदै कालोबजारी अन्त्य गर्न सरकारले अनुगमन गरिरहेको उल्लेख गरे । ‘सरकारले एक प्रकारको सिन्डिकेट प्रणालीको अन्त्य गर्यो, अब सबै खाले तस्करी र कालोबजारीको पनि अन्त्य गर्नेछ’।

‘सरकारले सुशासन, शान्तिसुरक्षा, विकास र समृद्धिलाई महत्त्व दिएको छ । यसमा सम्झौता हुन सक्तैन । मन्त्री थापाले सङ्घीय सरकारले प्रदेश र प्रदेश सरकारलाई बिस्तारै अधिकार सम्पन्न बनाउँदै जाने नीति लिएको स्पष्ट पारे ।

२०७५ जेठ १८ गते प्रकाशित

२०७५ जेष्ठ १८ गते १३:०३ मा प्रकाशित

You can share this post!

पाल्पामा बस दुर्घटना १२ को मृत्यु, १५ जना घाइते

सरकारले कम्प्युटर अपरटेर पद खारेज गर्ने , नयाँ भर्ना पनि नलिने

Related posts