काठमाडौं । सवारी साधनको कुम्भ मेलाका रुपमा लिइने नाडा अटो शो यही भदौ २६ गतेबाट शुरु हुने भएको छ । उक्त मेलालाई लक्षित गरेर व्यवसायीले नयाँ गाडी भित्र्याउन शुरु गरेका छन् ।
नाडा अटो शोले दसैं नेपालीको घर आगनमा आइपुगेको संन्देश दिने छ । उक्त सो मा नयाँ मोडलका कार, मोटर साइकल, बिभिन्न पाटपुर्जा प्रर्दशनीमा राखिने भएको आयोजकको भनाइ छ ।
अटोमोबाइल व्यवसाय प्रवद्र्धनमा थप टेवा पुगोस र उपभोक्ताले एकै ठाउँमा धेरै सवारी साधन बारे जानकारी पाउन भन्ने उद्देश्यले अटो शो गर्दै आएको नाडाले जनाएको छ ।
नाडा अटो शोमा बिभिन्न बैंक तथा वित्तीय संस्थाले सवारी साधान खरिद गर्नका लागि सहुलियत ब्याजदरमा ऋण उपलब्ध गराउने तयारी गरेका छन् । अहिले बैंकहरुले सामान्यतया १२ देखि १३ प्रतिशत ब्याजदरमा अटो लोन दिइ रहेका छन् । तर, त्यसबेला भने उनीहरुले त्यो भन्दा कम ब्याजदरमा ऋण उपलब्ध गराउने योजना ल्याउने भएका छन् ।
पहिला पहिला धनाढय वर्गले मात्र कार चढथे । तर, अहिले सामान्य नागरिकले पनि किस्ता बन्दीमा तिर्ने गरी बैंकबाट ऋण लिएर कार चढन थालेका छन् । बैंकहरुले मुल्यको ७० प्रतिशत सम्म अटो लोन दिने गरेका छन् । यसले पनि सवारी साधान चढन सहज भएको हो ।
पहिला राणाहरूले आफ्नो सौखिनताका लागि गाडी बोकाएर ल्याउने र उपत्याका भित्र्याउने अनि सहज रुपमा एक ठाउँबाट अर्को ठाउँमा पुग्ने गर्दथे । त्यसपछि बाटोको सञ्जाल विस्तारसँगै सवारी ल्याउन सहज हुन थाल्यो र आयात पनि त्यही अनुपातमा बढ्न पुग्यो ।
सवारीको आयात बढेसँगै सवारी उत्पादक कम्पनीहरूले नेपालमा आधिकारिक बिक्रेता तोकेर नै सवारी बिक्री थाले । यसरी सवारी बिक्री हुने क्रम बढेसँगै सवारी बिक्रेताहरूको संस्था स्थापना गरियो । २०३२ साल अटोमोबाइल एसोसिएस अफ नेपाल स्थापना भयो । २०६१÷६२ मा आइपुग्दा यो संस्थाको नाम नेपाल अटोमोबाइल डिलर एसोसिएसन (नाडा) राखियो ।
नाडा अटो शो भने सन् १९९८ देखि सुरु भएको थियो । त्यो वर्ष २६ प्रदर्शकहरू सहभागी थिए । त्यस पछिका केही वर्ष दुई वर्षमा एक पटक अटो शो हुँदै आएको थियो । तर, त्यसपछि प्रत्येक वर्ष नाडा अटो शो गर्न थालियो । हिन्दुहरुको महान चार्ड दसैलाई लक्षित गरेर यस्तो शो प्रत्येक वर्ष आयोजना गरिदै आएको छ । यस वर्षको नाडा अटो सो दसै आउनु भन्दा करिव एक महिना अघि गर्न लागिएको छ । यसवर्षको घटस्थापना असोज २४ गते र बिजया दशमीको टिका कात्र्तिक २ गते परेको छ ।
दसैमा पुराना गाडी भएकाले नयाँ किन्ने र नभएकाले नयाँ सवारी किन्ने चलन छ । गाडी बिक्रीका लागि धेरे संस्था छन् । ती संस्थाहरुको छाता संस्था नाडा हो । २०७२ मा उक्त संस्थाको नाम पुन परिवर्तन गरि नाडा अटोमोबाइल्स एसोसिएसन अफ नेपाल राखिएको छ । यही संस्थाले प्रत्येक वर्ष सवारी साधनको कुम्भ भेला नाटा अटो शोको आयोजना गर्दै आएको छ ।
२०७५ भदौ १२ गते प्रकाशित
वि.सं.२०७५ भदौ १२ मंगलवार ०७:३५ मा प्रकाशित