क्यानडा र फ्रान्स पठाइदिन्छु भनि पश्चिम अफ्रिकी मुलुक गिनि पुर्याई मानव वेचविखन तथा ओसारपसार गर्ने दुई जना पक्राउ परेका छन ।
क्यानाडा र फ्रान्समा राम्रो आयआर्जन हुन्छ र त्यहाँ पुगेपछि ५ बर्षको मल्टिपल भिषा समेत लगाईदिन्छु भन्ने जस्ता प्रलोभनमा पारि बिश्वास दिलाई, स्वदेश तथा बिदेशमा गरि प्रति व्यक्ति १५ देखि २५ लाख सम्म रकम लिएर झुटा आश्वसन समेत देखाइएको थियो ।
नेपाल भारतको विभिन्न नाकाहरु प्रयोग गरी भारतको नयाँ दिल्ली पुर्याई त्यहाँबाट ईथियोपिया हुदै पश्चिम अफ्रिकी देश गिनिको राजधानी कोनाक्री भन्ने स्थानमा पुर्याईएको थियो ।
करीब ६ महिना देखि १ बर्ष सम्म अपार्टमेन्टमा बन्धक बनाई शारिरीक, मानसिक तथा आर्थिक शोषण गरी पीडकहरु सम्पर्क विहिन भई पिडितहरुलाई अलपत्र पारिएको थियो। अलपत्र पार्नेमा दाङ, जिल्ला तुल्सीपुर नगरपालिका २ पञ्चकुले, स्थायी घर भई काठमाण्डौ बस्ने बर्ष २७ की प्रेरणा लक्ष्मी मल्ल , दाङ, जिल्ला तुल्सीपुर नगरपालिका ६, स्थायी घर भई काठमाण्डौ बस्ने बर्ष २९ को विराज यादव रहेका छन । यिनिहरु दुबै जना यस्ता खाले अपराधमा संल्गन हुदै अन्दाजी ३ करोड नेपाली रुपैयाँ ठग्दै आएको पाइएको छ ।
१४ जना पीडित तथा जाहेरवालाहरुबाट मिति २०७४ चैत ४ र १५ गते यव्युरोमा मानब बेचबिखन तथा ओसारपसार मुद्दामा जाहेरी प्राप्त भएपछि अनुसन्धानको शुरुवात गरिएको थियो ।
उक्त अनुसन्धान बाट विराज यादव र प्रेरणा लक्ष्मी मल्ललाई मिति २०७५\o५्\१३ गते जिल्ला कंचनपुरबाट पक्राउ गरी सम्मानित जिल्ला अदालत काठमाण्डौबाट अनुमती लिई “मानव बेचबिखन तथा ओसारपसार” मुद्दामा अनुसन्धान भईरहेको छ ।
२०७५ भदौ १८ गते प्रकाशित
वि.सं.२०७५ भदौ १८ सोमवार १२:१६ मा प्रकाशित
