काठमाण्डौ । प्रधानमन्त्री केपी शर्मा ओलीले विमस्टेक राष्ट्रहरुको चौथो शिखर सम्मेलन आयोजना र निर्णय दुवैका दृष्टिले फलदायी भएको बताउनु भएको छ ।
सोमवार सिंहदरबारमा आयोजित विमस्टेक शिखर सम्मेलन तयारी तथा व्यवस्थापन मूल समितिको अन्तिम बैठकलाई सम्बोधन गर्दै उहाँले भन्नुभयो“नेपालमा उत्पादित विद्युतअन्य देशहरुलाई विक्रीगर्न हामीलाई विद्युतीय ग्रीड चाहिएको थियो । त्यस विषयमा काम गर्न जल उर्जाको क्षेत्रमा सहयोगको आदान प्रदानगर्ने निर्णय गरेका छौं । ”
त्यस विषयमा भारत र वंगलादेशसँग विशेष रुपमा केन्द्रीत भएर कुराकानी गरेका छौं, जसबाट हामी भारत, वंगलादेश र म्यानमार मात्र होइन सूदुर भविष्यमा थाइल्याण्डसम्म विजुली निर्यात गर्न सक्छौं । नेपाल र नेपालीको हितलाई सर्वोपरी ठानेर विमस्टेकमा छलफल गरी घोषणा पत्रजारी गरिएको बताउँदै प्रधानमन्त्रीले भन्नुभयो“विमस्टेक होस वा अन्य क्षेत्रीय , अन्तराष्ट्रिय मञ्च होस हामी न्यायोचित राष्ट्रिय हितलाई केन्द्र भागमा राखेर काम गर्छौं । ”
प्रधानमन्त्री ओलीले विमस्टेक सम्मेलनको सफलताका लागि अहोरात्र मेहनत गर्ने परराष्ट्र मन्त्रालय, गृह र सुरक्षामन्त्रालय अन्र्तगतका सुरक्षा निकाय लगायत सरकारका सबै निकाय प्रति धन्यवाद ज्ञापन गर्नु भयो ।
उहाँले नेपाली जनता खास गरी सवारी आवागमन सहेर पनि शिखर सम्मेलन सफल पार्न योगदान गर्ने उपत्यकावासी प्रति आभार प्रकट गर्नु भयो । उहाँले भन्नु भयो, “आमसञ्चार माध्यम, वौध्दिक जगत र आमरुपमा सबैप्रति धेरै धेरै धन्यवाद व्यक्त गर्दछु । ”
२०७५ भदौ १९ गते प्रकाशित
वि.सं.२०७५ भदौ १९ मंगलवार १२:०५ मा प्रकाशित
