डलर दिनँहु महँगो हुँदै, आज १ डलर खरिद गर्न ११५ रुपैयाँ चाहिने

 

काठमाडौं, । अमेरिकी डलर दिनँहु महंगो हुँदै गएको छ । आज १ डलर खरिद गर्न ११५ रुपैयाँ आवश्यक पर्छ । अन्तर्राष्ट्रिय बजारमा डलरको माग बढेपछि अमेरिकी डलर हालसम्मकै उच्च भएको हो । राष्ट्र बैंकले बुधबारका लागि एक अमेरिकी डलर बराबर एक सय १४ रुपैयाँ ८४ पैसा बिक्रीदर तोकेको छ । यो दर अहिलेसम्मकै उच्च हो ।

अन्तर्राष्ट्रिय बजारमा डलरको भाउ बढेपछि यसको असर नेपाली बजारमा पनि देखिएको छ । पछिल्लो समय अमेरिकी अर्थतन्त्र र डलर दुवै मजबुद बन्दै गएका कारण डलरको तुलनामा नेपाली रुपैयाँ कमजोर भएको राष्ट्र बैंकको भनाइ छ ।

टर्कीको अर्थतन्त्रमा आएको संकटका कारण डलर मजवुत बन्न पुगेको बिज्ञहरु बताउँछन् । टर्कीको मुद्रा अवमूल्यनले समग्र युरोपियन अर्थतन्त्रमा असर परेका कारण डलर बलियो भएको उनीहरुको भनाइ छ । अहिले विश्व बजारमा अमेरिकी डलरको माग अत्यधिक बढेको छ । अहिले युरो र बेलायती मुद्रा समेत घटेका छन् । नेपाल र भारतीय मुद्राबीच स्थायी विनिमय दरका कारण भारतीय रुपैयाँ (भारु) डलरसँग कमजोर भएपछि यसको असर नेपाली रुपैयाँमा परेको हो । डलरको मूल्य बढ्दा निर्यात व्यापारबाट राम्रो मूल्य आए पनि हाम्रो जस्तो आयात बढी हुने देशमा यसको नकारात्मक असर पर्ने बिज्ञहरु बताउँछन् ।

२०७५ भदौ २० गते प्रकाशित

२०७५ भदौ २० गते ११:१६ मा प्रकाशित

You can share this post!

वाणिज्य बैंकको सख्या नघटे पनि विकास बैंक र फाइनान्स कम्पनी भने हवात्तै घटे

सवारी दुर्घटनालाई घटाउन आराम स्थल स्थापना हुदै

Related posts