काठमाडौं । वोमी माइक्रोफाइनान्स सञ्चालक समितिले प्रस्ताव गरेको २५ प्रतिशत नगद लाभांशलाई नेपाल राष्ट्र बैंकले स्वीकृत गरेको छ । कम्पनीले गत वर्षको कमाईबाट सेयरधनीलाई २५ प्रतिशत लाभांश वितरण गर्न लागेको हो । अब कम्पनीको साधारण सभाले नगद लाभांश वितरण गर्ने प्रस्तावलाई पारित गर्नुपर्नेछ ।
वोमीको साउन २९ गते बसेको सञ्चालक समिति बैठकले हाल कायम १० करोड १० लाख ८८ हजार रुपैयाँ चुक्ता पुँजीबाट २५ प्रतिशत नगद लाभांश वितरण गर्ने निर्णय गरेको हो । यसआधारमा कम्पनीले लाभांशमा २ करोड ५२ लाख ७२ हजार रुपैयाँ खर्च गर्नेछ ।
अघिल्लो वर्ष वोमीले २० प्रतिशत बोनस र कर तिर्न १।११ प्रतिशत नगद लाभांश दिएको थियो । गत आर्थिक वर्षको चौथो त्रैमासमा वोमीले ३ करोड ९५ लाख ५ हजार रुपैयाँ खुद नाफा कमाएको छ । यसको प्रतिसेयर आम्दानी ३९ रुपैयाँ ८ पैसा र प्रतिसेयर नेटवर्थ १६४ रुपैयाँ ७३ पैसा छ ।
२०७५ भदौ २५ गते प्रकाशित
वि.सं.२०७५ भदौ २५ सोमवार १३:५१ मा प्रकाशित