काठमाडौं, । फाइनान्स कम्पनीले गर्ने काम वाणिज्य बैंक र विकास बैंकले गर्न थालेपछि फाइनान्स कम्पनीको दायरा साघुरो हुँदै गएको छ । एक दशकअघिसम्म फाइनान्स कम्पनीले मोटरसाइकल, टेम्पो, माइक्रोबस लगातयका सवारी साधानमा खुबै लगानी गर्दथे । तर, अहिले ती साना क्षेत्रमा पनि वाणिज्य बैंक र विकास बैंकले लगानी गर्न थालेपछि फाइनान्स कम्पनी खुम्चिन बाध्य भएका हुन् ।
लगानी खुम्चन थाल्दा आम्दानी पनि कम हुन्छ । त्यसैले पनि फाइनान्स कम्पनीले लगानीकर्तालाई कम लाभाशं वितरण गर्दै आएका छन् । अघिल्लो वर्षपनि फाइनान्स कम्पनीले खासै राम्रो लाभाशं वितरण गर्न सकेका थिएनन् । लगानीकर्तालाई यो वर्षपनि उनीहरुले खासै धेरै लाभाशं दिन सक्ने अवस्थामा छैनन् । अहिलेसम्म तीन फाइनान्स कम्पनीले गत आर्थिक वर्षको नाफाबाट लाभांश दिने घोषणा गरेका छन् । तीन वटा मध्ये जानकी फाइनान्सको लाभांश केही बढी भएपनि अन्य फाइनान्स कम्पनीको लाभांश भने त्यति राम्रो छैन् । यानकी फाइनान्स कम्पनीले २२ प्रतिशत बोनस सेयर र १.१६ प्रतिशत लाभांश दिने घोषणा गरेको छ । यसैगरी, पोखरा फाइनान्स कम्पनीले ५ प्रतिशत बोनस सेयर र ८.६८ प्रतिशत नगद लाभाशं वितरण गर्ने र आइसिएफसी फाइनान्स कम्पनीले ८ प्रतिशत लाभाशं घोषणा गर्ने प्रस्ताव गरेका छन् । अन्य फाइनान्स कम्पनीले भने अहिलेसम्म त्यस्तो लाभांश घोषणा गरिसकेका छैन् पछिल्लो समय फाइनान्स कम्पनीको संख्या घट्दै गएको छ । चार वर्षअघिसम्म ५३ वटा फाइनान्स कम्पनी सञ्चालनमा थिए । तर, अहिले त्यो संख्या घटेर २३ वटामा सिमित भएका छन् ।
धेरैजसो फाइनान्स कम्पनीलाई विकास बैंकले खरिद गरे । केही फाइनान्स कम्पनी वाणिज्य बैंकमा मिसिए । केही फाइनान्स कम्पनी भने एक अर्कामा गाभिए । यसले गर्दा फाइनान्स कम्पनीको संख्या घट्न पुगेको हो । फाइनान्स कम्पनीले पनि वाणिज्य बैंक र विकास बैंकले जस्तै चुक्ता पुँजी बढाउँदै लगेका छन् । चुक्ता पुँजी बढाउनका लागि पनि फाइनान्स कम्पनीले नगद भन्दा वोनस सेयर वितरण गरिरहेका छन् ।
२०७५ भदौ ३१ गते प्रकाशित
वि.सं.२०७५ भदौ ३१ आइतवार ११:२९ मा प्रकाशित