काठमाडौं । स्पर्श लघुवित्त बित्तीय संस्थाले २ करोड ४० लाख रुपैयाँ बराबरको साधारण सेयर निश्काशन गर्ने भएको छ । कम्पनीले उक्त परीमाणको शेयर निष्काशनको अनुमति माग्दै धितोपत्र बोर्डमा आवेदन गरेको छ ।
कम्पनीले जारी पुँजीको ३० प्रतिशत आइपीओ आफ्ना कर्मचारी र सर्वसाधारणलाई बिक्री गर्न लागेको हो । स्पर्शको जारी पुँजी ८ करोड रुपैयाँ रहेको छ । यसमध्ये ५ करोड ६० लाख रुपैयाँ संस्थापक सेयरधनीबाट चुक्ता भइसकेको छ । यो आइपीओमा बिक्री प्रबन्धकको काम सानिमा क्यापिटलले गर्नेछ ।
संस्थाको हालको चुक्तापूँजी ५ करोड ६० लाख रुपैयाँ रहेको छ । आइपपिओपछि चुक्तापूँजी ८ करोड रुपैयाँ पुग्नेछ । १० वटा जिल्ला कार्यक्षेत्र रहेको संस्थाले हाल १५ वटा शाखामार्फत ६ हजार पाँच सय जना सर्वसाधारणलाई लघुवित्त सेवा उपलब्ध गराउँदै आएको छ ।
२०७५ असोज ८ गते प्रकाशित
वि.सं.२०७५ असोज ८ सोमवार १०:४३ मा प्रकाशित