काठमाडौं । आजदेखि काठमाडौमा हुने अन्तर्राष्ट्रिय बिमा सम्मेलनको उद्घाटन अर्थमन्त्री युवराज खतिवडाले गर्दै हुनुहुन्छ । होटलसोल्टिमा भोलीसम्म सञ्चालन हुने उक्त बिमा सम्मेलनमा स्वदेशी तथा स्वेदेशी गरी पाँच सय बढी बिमा बिज्ञको सहभागीता रहेको छ । विकासशील राष्टका बिमा र पुनर्बिमा कम्पनीहरुको संगठन (एआईआरडीसी), बिमा समिति र नेपाल बिमकं सघंको संयुक्त आयोजनामा उक्त सम्मेलन हुन लागेको हो ।
सन २००० पछि नेपालमा हुन लागेको हो । बिभिन्न देशमा यस्ता खालका सम्मेलन हुँदै आएका थिए । यो सम्मेलन २२ औं हो । उक्त सम्मेलनमा बीमा क्षेत्रको नियामक निकायका प्रतिनिधि, विदेशी बिमा विज्ञ, बीमाक्षेत्रसँग सम्बन्धित सरोकारवालाहरु सहभागी हुनेछन् । विपद् जोखीम व्यवस्थापन सम्बन्धी विषयलाई सम्मेलनको मुख्य एजेण्डा बनाईएको छ ।
सम्मेलनमार्फत पुनर्बीमा कम्पनीहरुले आफ्नो व्यावसायिक दायराबढाउन सक्नेछन् । सम्मेलनमा बिमाको वर्तमान समस्या र आगामी चुनौतीबारे पनि छलफल गरिने छ । सम्मेलनबाट आएका सुझावले नीति निर्माणमा पनि सहयोग पुग्ने बिमा समितिको भनाइ छ ।
२०७५ असोज ९ गते प्रकाशित
वि.सं.२०७५ असोज ९ मंगलवार ०९:१२ मा प्रकाशित
