काठमाडौं । मेरो माइक्रोफाइनान्सले १०० प्रतिशत हकप्रद जारी गर्ने भएको छ । कम्पनीको मंगलबार बसेको सञ्चालक समिति बैठकले १ बराबर १ को अनुपातमा हकप्रद जारी गर्ने प्रस्ताव आगामी वार्षिक साधारण सभामा पेश गर्ने निर्णय गरेको हो । मेरोले लघुवित्त सेवालाई थप सवल र सक्षम रुपमा विस्तार गर्न हकप्रद जारी गर्न लागिएको जनाएको छ ।
कम्पनीले गत आर्थिक बर्षमा वितरण गरेको १५ प्रतिशत बोनस सेयर पश्चात कायम हुने चुक्ता पूँजी ३२ करोड ८९ लाख बराबरको हकप्रद जारी गर्ने प्रस्ताव गरेको हो । यस हकप्रद पश्चात माइक्रोफाइनान्सको चुक्ता पूँजी ६५ करोड ७८ लाख रुपैयाँ पुग्नेछ ।
मेरोले गत आर्थिक वर्षको अन्त्यसम्ममा ९ करोड ४७ लाख ३४ हजार रुपैयाँ खुद नाफा कमाएको छ । यसको प्रतिसेयर आम्दानी ३३ रुपैयाँ २५ पैसा र प्रतिसेयर नेटवर्थ १५५ रुपैयाँ ४५ पैसा छ ।
२०७५ असोज ९ गते प्रकाशित
वि.सं.२०७५ असोज ९ मंगलवार १२:३५ मा प्रकाशित