काठमाडौं । रु रु जलविद्युत परियोजना लिमिटेडले आईपीओ निष्कासन गर्ने प्रक्रिया अगाडि बढाएको छ । कम्पनीले आयोजना प्रभावित स्थानीय र सर्वसाधारणका लागि ८ लाख १५ हजार ४१० कित्ता साधारण सेयर निष्कासन गर्ने भएको छ ।
कम्पनीले पहिलो चरणमा आयोजना प्रभावित स्थानीय बासिन्दाका लागि १० प्रतिशत अर्थात ४ करोड ७ लाख ७० हजार रुपैयाँ बराबरको ४ लाख ७ हजार ७०५ कित्ता आईपिओ निष्कासनको अनुमति माग्दै धितोपत्र बोर्डमा आवेदन गरेको छ । बोर्डले अनुमति दिएपछि आइपीओ निष्कासन प्रक्रिया अघि बढ्नेछ । स्थानीयलाई बिक्री गरेपछि फेरि सर्वसाधारणमा आइपीओ खुला गरिनेछ । कम्पनीको आईपिओ एनएमबी क्यापिटल लिमिटेडले जारी गर्नेछ ।
रु रु जलविद्युत परियोजनाले गुल्मीको माथिल्लो हुग्दी खोलामा ५ मेगावाट क्षमताको विद्युत उत्पादन गरिरहेको छ । यो आइपीओ गुल्मीका आयोजना प्रभावितले भर्न पाउनेछन् ।
३२ करोड ६१ लाख ६४ हजार ४ सय रुपैयाँ चुक्ता पुँजी रहेको कम्पनीले आईपिओ बिक्री गरेर ४० करोड ७७ लाख ५ हजार ५ सय रुपैयाँ पुर्याउनेछ । सेयर बिक्रीबाट संकलन भएको पुँजी माथिल्लो हुग्दीको क्यासकेड आयोजनामा लगानी गर्ने योजना कम्पनीको छ ।
२०७५ असोज १५ गते प्रकाशित
वि.सं.२०७५ असोज १५ सोमवार १३:४२ मा प्रकाशित