काठमाडौं । ग्लोबल आइएमइ बैंक लि. कोे नायव प्रमुख कार्यकारी अधिकृतमा श्री महेश शर्मा ढकाल नियुक्त हुनुभएको छ । असोज २५ गते बिहिबारदेखि कार्यभार समाल्नुभएका नायव प्रमुख कार्यकारी अधिकृत श्री महेश शर्मा ढकाल यसअघि मेगा बैंकमा सिनियर डेपुटी जनरल म्यानेजरको रुपमा कार्यरत रहनुभएको थियो ।
अर्थशास्त्रमा स्नातकोत्तर ढकाल चार्टर्ड एकाउन्टेन्ट समेत हुनुहुन्छ । बैंकिङ्ग क्षेत्रमा १८ बर्षभन्दा बढिको अनुभव सँगाल्नुभएका ढकाल तत्कालिन टुरिजम डेभलपमेन्ट बैंक र सिद्धार्थ डेभलपमेन्ट बैंकमा प्रमुख कार्यकारी अधिकृतको रुपमा र नेपाल बैंक लि. मा डेपुटी जनरल म्यानेजरको साथै केहि समय व्यवस्थापन समूहको संयोजकको रुपमा समेत कार्यरत रहनुभएको थियो । उहाँँ तत्कालिन कर्मज एण्ड ट्रष्ट बैंकमा समेत कार्यरत रहनुभएको थियो । साथै उहाँसंग विभिन्न संघसंस्थाहरुको संचालक समितिमा रहि कार्य गरेको अनुभव समेत रहेको छ । नव नियुक्त नायब प्रमुख कार्यकारी अधिकृत ढकाल हाल नेपाल चार्टर्ड एकाउन्टेन्ट संस्थाको पार्षद समेत हुनुहुन्छ ।
२०७५ असोज २५ गते प्रकाशित
वि.सं.२०७५ असोज २५ बिहीवार १८:५१ मा प्रकाशित
