काठमाडौं । मेरो माइक्रोफाइनान्सको २६।३२५ लाभांश पारित भएको छ । कम्पनीको शुक्रबार सम्पन्न साधारण सभाले १५ प्रतिशत बोनस सेयर ११.३२ प्रतिशत नगद लाभांश अनुमोदन गरेको हो । कम्पनीले ४ करोड २९ लाख रुपैयाँ बराबरको बोनस सेयर र ३ करोड २३ लाख ६३ हजार १५७ रुपैयाँ नगद लाभांश वितरण गर्ने भएको हो ।
सभाले बोनस सेयर पश्चात कायम हुने चुक्ता पुँजी ३२ करोड ८९ लाखमा १००५ हकप्रद निष्कासन गर्ने प्रस्ताव पनि पारित गरेको छ । नियमावली संशोधन गर्ने र यसको अख्तियारी सञ्चालक समितिलाई दिने सम्बन्धी विशेष प्रस्ताव अनुमोदन भएको छ ।
साधारण सभा गर्न मेरोले असोज १७ गतेदेखि कात्तिक ९ गतेसम्म बुक क्लोज गरेको थियो । असोज १६ गतेसम्म कायम रहेका सेयरधनीले बोनस र नगद लाभांस पाउनेछन् । लाभांश अघि हाल कम्पनीको चुक्ता पुँजी २८ करोड ६० लाख रुपैयाँ छ ।
बोनस र हकप्रद वितरणपछि यसको चुक्ता पुँजी ६५ करोड ७८ लाख रुपैयाँ पुग्नेछ । मेरोले गत आर्थिक वर्षको अन्त्यसम्ममा ९ करोड ४७ लाख ३४ हजार रुपैयाँ खुद नाफा कमाएको छ । यसको प्रतिसेयर आम्दानी ३३ रुपैयाँ २५ पैसा र प्रतिसेयर नेटवर्थ १५५ रुपैयाँ ४५ पैसा छ ।
२०७५ कार्तिक ११ गते प्रकाशित
वि.सं.२०७५ कात्तिक ११ आइतवार १६:२१ मा प्रकाशित
