काठमाडौं । बजार घटेको मौकाछोपी सेयर किन्ने बढेका छन् । १८८१ अंकभन्दा माथि पुगेको सेयर बजार मापक नेप्से घट्दै १२२४ मा आइपुगेपछि सेयर खरिद गर्ने क्रम बढेको हो । तर, केही लगानीकर्ता भने लगानीयोग्य पुँजीको अभाव बैंकमा हुन थालेको र त्यसले ऋणको ब्याजदर बढने आंशकै कारण गर्दै बिक्री गरिरहेका छन् । तर, त्यही मौकाछोपी केही लगानीकर्ता भने सेयर खरिद गरिरहेका छन् ।
साताको तेस्रो कारोबारको दिन लगानीकर्ताले सेयर धमाधम खरिद गर्न थालेका कारण सेयर बजार बढन पुगेको अनुमान धेरैले गरेका छन् । धेरैजसो पुराना लगानीकर्ताले मंगलबार सेयर खरिद गर्न थालेका कारण नेप्सेमा सुधार आएको थियो । सेयर बजार सधै ओरालो लाग्दैन भन्ने कुरा सबैलाई खवगत छ । घटेका बेला सेयर खरिद गरेर राख्दा फाइदा हुन्छ भन्ने लगानीकर्तालाई थाहा छ । त्यही भएर पनि सेयर खरिद गर्ने बढेका हुन ।
अहिले बैंक तथा वित्तीय संस्थाले लाभांशको सिजन हो । केहीले धमाधम लाभांश वितरण गरिरहेका छन् भने केहीले गर्ने क्रममा छन् । यतिबेला सेयर होल्ड गर्नेले छोटो समयमै लाभांश प्राप्त गर्न सक्छन् । वाणिज्य बैंकहरुको लाभांशसँगै प्रथम त्रैमासको रिपोर्ट पनि आउनै लागेको छ । प्रत्येक तीन तीन महिनामा निकाल्ने वित्तीय विवरणमा बैंकको नाफा बढने निश्चित छ । त्यसले पनि सेयर बजार बढने अपेक्षा गरिएको छ ।
यसैगरी, केही दिन भित्रै अनलाइन कारोबार हुँदैछ । यसले पनि बजार बढ्न सहयोग पुग्ने कतिपयको भनाइ छ । यसैगरी गैर आवासीय नेपालीले सेयरमा लगानी गर्न खोज्दै छन् । उनीहरुले लगानी गरेको खण्डमा सेयर बजार बढने ब्रोकरहरु बताउँछन् ।
२०७५ कार्तिक १४ गते प्रकाशित
वि.सं.२०७५ कात्तिक १४ बुधवार ११:१४ मा प्रकाशित