काठमाडौं । माथिल्लो तामाकोशी हाइड्रोपावरले पुस १ गतेदेखि स्थानीयबासीलाई आइपीओ बाँडफाँटमा नपरेको पैसा फिर्ता गर्ने भएको छ । विभिन्न समस्याका कारण सिधै बैंक खातामा रकम नपाउने आवेदकलाई भने पुस १ गतेदेखि चेकबाट रकम फिर्ता हुने भएको छ ।
लगानीकर्ताले आइपीओ भर्दा आवेदन फारममा उल्लेख गरेको बैंक तथा वित्तीय संस्थाकै खातामा रकम फिर्ता पाउनेछन् । नेपाल क्लियरिङ हाउस (एनसीएचएल) मा आवद्ध बैंक तथा वित्तीय संस्थालाई इन्टर बैंक पेमेन्ट सिस्टम (आइपीएस) मार्फत बैंक खातामै रकम फिर्ता पठाइने कम्पनीले जानकारी दिएको छ । यसअघि कम्पनीले कात्तिक १९ गतेदेखि आइपीओ बाँडफाँटमा नपरेको पैसा फिर्ता दिन थालेको थियो ।
जसमा २ लाख ७६ हजार १९४ जनालाई रकम फिर्ता गर्दा ५२ हजार जनाले विविध कारणले प्राप्त गर्न सकेका थिएनन् । तामाकोशीले सर्वसाधारणलाई पनि आइपीओ बाँडफाँट गरिसकेको छ । सर्वसाधारणले आइपीओ नपरेको पैसा बैंक खातामै फिर्ता पाइसकेका छन् ।
माथिल्लो तामाकोशीले आयोजना प्रभावित स्थानीयलाई साउन १६ गतेदेखि भदौ २१ गतेसम्म एक करोड ५ लाख ९० हजार कित्ता आइपीओ बिक्री गरेको थियो ।
२०७५ मंसिर २५ गते प्रकाशित
वि.सं.२०७५ मंसिर २५ मंगलवार १०:५४ मा प्रकाशित