काठमाडौं । संस्थागत सामाजिक उत्तरदायीत्व अन्तरगत सानिमा बैंक लिमिटेडको पोखरा स्थित न्युरोड र बगर शाखाले पौष १४ गते पोखरा मा.न.पा. वडा नं. २०, भलाम स्थित श्री महेन्द्र माद्यमिक विद्यालयको हातामा हिमालय आँखा अस्पतालको प्राविधिक सहयोगमा निशुल्क आँखा शिविर सम्पन्न गरेको छ ।
उक्त शिविरको उद्घाटन पोखरा मा.न.पा.वडा नं. २०, कास्कीका वडा अध्यक्ष सिमबहादुर गुरुङ्गले गर्नुभयो । पोखरा क्षेत्रका लागि बैकका क्षेत्रिय प्रबन्धक भाबुक तण्डुकारले उद्घाटन सामारोहमा शुभकामना मन्तब्य व्यक्त गर्दै बैंकले आगामी दिनहरुमा पनि स्थानियलाई सहयोग गर्ने जानकारी दिनुभयो ।
शिविरमा भलाम र मौजाका ३०० स्थानीयवासीको आँखा परीक्षण गरिनुका साथै सहभागी २०० जना बिरामीहरुलाई निःशुल्क औषधी र चश्मा वितरण गरियो । साथै ७ जना मोतिया बिन्दुका बिरामीलाई थप उपचारका लागि हिमालय आँखा हस्पीटलमा सिफारिस गरियो ।
सानिमा बैंकको हाल ७४ वटा शाखा, १ एक्सटेन्सन काउन्टर तथा ६९ वटा ए.टि.एम रहेको छ ।
२०७५ पौष १६ गते प्रकाशित
वि.सं.२०७५ पुस १६ सोमवार १३:२३ मा प्रकाशित