काठमाडौं । मधेशबाट एक सयजना हिरोलाई सम्मान तथा अवार्ड गर्ने कार्यक्रमको घोषणा भएको छ । संघीय राजधानीको थापाथली क्याम्पसमा मंगलबार एक समारोहको वीच‘द १०० हिरोज अफ मधेश’ नामक कार्यक्रमको घोषणा गरि कार्यक्रमको रुपरेखा सार्वजनिक गरिएको हो ।
मधेशी पत्रकार समाजद्वारा मधेशका लागि योगदान दिने एक सय जना व्यक्तित्वलाई सम्मान गरिने भएको छ । मधेश भित्रका तथा बाहिर विश्वको कुनै पनि ठाउँबाट मधेशका लागि योगदान दिने सय जनाको पहिचान गरी सम्मान गरिने कार्यक्रम सार्वजनिक भएको छ ।
प्रधानमन्त्री केपी शर्मा ओलीका प्रेस सल्लाहकार कुन्दन अर्यालको प्रमुख आतिथ्यमा समाजका अध्यक्ष मोहन सिंह सहितका पदाधिकारीले‘द १०० हिरोज अफ मधेश’कार्यक्रमको रुपरेखा सार्वजनिक गरिएको हो ।
‘द १०० हिरोज अफ मधेश’कार्यक्रममा जनवरी भरी नोमीनेशन गर्ने, फरवरीमा भोटिङ्ग र मार्चमा छानिएर आएका हिरोलाई अवार्ड गर्ने कार्यक्रम रहेको अध्यक्ष सिंहले बताए । विभिन्न क्षेत्रमा योगदान पुर्याउनु भएको व्यक्तित्वलाई खोजी र अनुसन्धानको काम सुरु गरिसकेका छौं’ अध्यक्ष सिंहले भने, ५० जनालाई नोमिनेसनको माध्यमले भोटिङ् गराई तथा ५० जनाको खोजी गरि अवार्ड गर्नेछौं ।
अध्यक्ष सिंहका अनुसार बिभिन्न १० विधाका १०/१० जनालाई सम्मान तथा अवार्ड गर्ने लक्ष्य रहेको छ ।
आर्थिक, शैक्षिक, कृषि,सामाजिक, पत्रकारिता, युवा, उद्योगी, महिलाबाट मधेशका लागि योगदान दिएकाहरुको छनौट गरी ‘मधेशको हिरो’ संज्ञा दिदैं सम्मान गरिने भएको छ । यस कार्यक्रमका सम्पूर्ण गतिविधी ‘द १०० हिरोज अफमधेश’को फेसबुक पेजबाट सार्वजनिक हुने अध्यक्ष सिंहले जानकारी दिए ।
२०७५ पौष १८ गते प्रकाशित
वि.सं.२०७५ पुस १८ बुधवार १३:०३ मा प्रकाशित