अनलाईन शेयर कारोबार अब ग्लोबल आइएमई बैंकबाटै

काठमाडौं । ग्लोबल आइएमई बैंक नेप्सेको अनलाईन शेयर कारोबार प्रणालीमा आबद्घ भएको छ । यस मार्फत बैंकका ग्राहकहरुले स्वचालित प्रणालीबाट अनलाईन शेयर कारोबार गरी शेयर खरिद विक्रीबापतको रकम रकमान्तर तथा राफसाफ गर्न सक्नेछन ।

यसै सम्बन्धमा बैंकले लगानीकर्ताहरुलाई अझ बढी सुविधा प्रदानगर्ने उद्देश्यले “ग्लोबल शेयर लगानी बचत खाता”सञ्चालनमा ल्याएको बैंकद्वारा जारी विज्ञप्तिमा उल्लेख छ । यस बचत खाताबाट लगानीकर्ताहरुले घरमै बसी सजिलै स्वचालित अनलाईन प्रणालीबाट शेयर कारोबार गर्न तथा शेयर खरिद विक्री बापतको रकम राफसाफ गर्न सकिने छ । उच्चतम ब्यादर पाइने यस बचत खातामा निशुल्क भाईवर र मोबाइल बैंकिङ्ग, पहिलो वर्ष निशुल्क डिम्याट खाता, मेरो शेयर खाता र डेबिट कार्ड उपलब्ध हुने छ । यसका साथै आईपिओ र एफपिओ बारे जानकारी लिन मिल्ने एवम् आस्वा सुबिधा, इन्टरनेट बैंकिंङ्ग र चेकबुक निशुल्क पाइने छ । यस बाहेक लकर, क्रेडिड कार्ड र ऋण प्रोसेसिंगमा ५० प्रतिशत छुट पनि पाइने जनाइएको छ ।

यस अघि बैंकमा खाता भएका ग्राहकहरुले समेत इन्टरनेट बैंकिंङ्गसेवा लिई अनलाईन शेयर कारोबारगर्न पाउनेछन् ।

२०७५ पुष १८ गते प्रकाशित

२०७५ पौष १८ गते २१:२२ मा प्रकाशित

You can share this post!

विकास निर्माणको कामले तिव्रता पाउँछ : प्रधानमन्त्री ओली

आइएमई डिजिटल र जनता बैंक नेपाल लिमिटेड बीच सम्झौता

Related posts