काठमडौं । नेपाल इन्भेष्टमेन्ट बैंक वाणिज्य बैंकहरु मध्ये सबैभन्दा बढी लाभांश दिने बैंकमा परेको छ । उक्त बैंकले गत आर्थिक वर्षको नाफबाट ४० प्रतिशत लाभांश वितरण गर्दै छ । इन्भेष्टमेन्ट बैंकले १८ प्रतिशत बोनस सेयर र २२ नगद गरी कुल ४० प्रतिशत लाभांश दिएको हो ।
दोस्रो बढी लाभांश दिनेमा नबिल बैंक परेको छ । उक्त बैंकले १२ प्रतिशत बोनस र २२ प्रतिशत नगद गरी कुल ३४ प्रतिशत लाभांश दिने भएको छ ।
यसैगरी, तेस्रो बढी लाभांश दिने बैंक एनएमबी बैंक भएको छ । उक्त बैंकले १० प्रतिशत बोनस र २० प्रतिशत नगद गरी कुल ३० प्रतिशत लाभांश दिएको छ । चोथौ, बढी लाभांश दिनेमा बैंक अफ काठमाण्डू भएको छ । उक्त बैंकले १४ प्रतिशत बोनस र ११ प्रतिशत नगद गरी कुल २५ प्रतिशत लाभांश दिँदै छ । यसैगरी, पाँचौ बढी लाभांश दिने बैंकमा एभरेष्ट बैंक भएको छ । उसले २० प्रतिशत नगद लाभांश दिएको छ ।
२८ वाणिज्य बैंक मध्ये राष्टिय वाणिज्य बैंकले सर्वसाधरणलाई सेयर जारी गरेको छैन् । बाँकी २७ वाणिज्य बैंकहरुमध्ये ७ वटाले अझै पनि लाभांश घोषणा गरेका छैनन् । अहिलेसम्म २० वटा वाणिज्य बैंकहरुले लाभांश घोषणा गरेका छन् ।
लाभांश घोषणा गरेका बैंक मध्ये धेरैले नगद लाभांश मात्र र केहीले बोनस सेयर मात्र र केहीले बोनस र नगद मिलाएर लाभांश दिँदै छन् । केही बैंकले दिएको नगद लाभांश लगानीकर्ताको खातामा गएको छ भने केहीको जाने क्रममा रहेको बैंकको भनाइ छ । अधिकांश बैंकले पुसभित्रै वार्षिक साधारणसभा सम्पन्न गरिसकेकाले लाभांश लगानीकर्ताको खातामा पठाउने कार्य सुरु गरेका छन् ।
२०७५ माघ २ गते प्रकाशित
वि.सं.२०७५ माघ २ बुधवार १०:२८ मा प्रकाशित