काठमाडौं । चालु आर्थिक वर्षको पाँच महिनामै तीन खर्ब ७६ अर्ब ५९ करोड रुपैयाँको रेमिट्यान्स (विप्रेषण) नेपाल भित्रिएको छ ।
यस अवधिमा विप्रेषण आप्रवाह ३१.९ प्रतिशतले वृद्धि भएको हो । अघिल्लो वर्षको सोही अवधिमा विप्रेषण आप्रवाह ०.८ प्रतिशतले घटेको थियो । अमेरिकी डलरमा विप्रेषण आप्रवाह १९.२ प्रतिशतले वृद्धि भएको छ । अघिल्लो वर्ष यस्तो आप्रवाह ३.२ प्रतिशतले बढेको थियो ।
नेपाल राष्ट्र बैंकले बिहीबार सार्वजनिक गरेको मुलुकको वित्तिय विवरण अनुसार, अन्तिम श्रम स्वीकृतिका आधारमा वैदेशिक रोजगारीमा जाने नेपालीको संख्या यो अवधिमा ४०.२ प्रतिशतले घटेको छ । अघिल्लो वर्षको सोही अवधिमा यस्तो संख्या २.५ प्रतिशतले घटेको थियो । समीक्षा अवधिमा मलेसिया जाने नेपालीको संख्या उल्लेख्य मात्रामा घटेको छ ।
२०७५ माघ ५ गते प्रकाशित
वि.सं.२०७५ माघ ५ शनिवार १२:३० मा प्रकाशित
