काठमाडौं । ग्लोबल आइएमई बैंकले चालु आर्थिक वर्षको ६ महिनामै १ अर्ब १२ करोड रुपैयाँ खुद नाफा गरेको छ । गत आर्थिक वर्षको ६ महिनामा भन्दा करिव २१ करोड बढी नाफा गरेको छ । गत आवको पुसमसान्तसम्म बैंकले ९१ करोड मात्र नाफा गरेको थियो ।
बैंकले निक्षेंप र कर्जा प्रवाह पनि बढाएको छ । ग्लोबल आइएमई बैंकले कर्जा र निक्षेप दुवै १ खर्ब माथि गरेको छ । बैंकले पुसमसान्तसम्म १ खर्ब १३ अर्ब निक्षेप संकलन गरेर १ खर्ब २ अर्ब लगानी गरेको छ ।
चुक्ता पुँजी १० अर्ब ३१ करोड रुपैयाँ रहेको ग्लोबल आइएमई बैंकले खराव कर्जा ज्यादै कम छ । बैंकको खराव कर्जा ०.७५ प्रतिशतमात्र छ । एक प्रतिशत भन्दा कम खराव कर्जा हुनुलाई राम्रो मानिन्छ ।
२०७५ माघ ११ गते प्रकाशित
वि.सं.२०७५ माघ ११ शुक्रवार ०९:०९ मा प्रकाशित