काठमाडौं । लक्ष्मी बैंक लिमिटेडले वितरण गर्न लागेको ८.५० प्रतिशत सेयर पाउनका लागि आज (आइतबार) सम्म किन्नु पर्ने छ । सोमबारदेखि बैंकले साधारण सभाका लागि बुकक्लोज गर्ने भएकाले आजसम्म किन्नेले मात्र बोनस पाउनेछन् । अहिले लक्ष्मी बैंकको सेयर मूल्य २२० रुपैयाँको आसपासमा छ ।
लक्ष्मी बैंकले यही महिनाको अन्त्यतिर अर्थात माघ २८ गते वार्षिक साधारणसभा गर्दै छ । बैंकको अठारौं वार्षिक साधारण सभाले ६९ करोड ८८ लाख रुपैयाँ बराबरको बोनस सेयर र बोनसको कर प्रयोजनको लागि चुक्ता पूँजीको ०.४५ प्रतिशत अर्थात ३ करोड ६७ लाख रुपैयाँ बराबरको नगद लाभांश पारित गर्दैछ । लक्ष्मी बैंकको उक्त बोनस लाभांशपछि चुक्ता पूँजी ८ अर्ब ९२ करोड पाँच लाख रुपैयाँ पुग्नेछ ।
२०७५ माघ १३ गते प्रकाशित
वि.सं.२०७५ माघ १३ आइतवार ०९:४२ मा प्रकाशित
