काठमाडौं । नेपाल एसबिआई बैंकको नाफा एक अर्ब नजिक पुगेको छ । बैंकले चालु आर्थिक वर्षको ६ महिनामा ९० करोड रुपैयाँ नाफा कमाएको छ । गत आर्थिक वर्षको सोही अवधिमा बैंकले ९१ करोड नाफा गरेको थियो । गत आर्थिक वर्षमा भन्दा यो आर्थिक वर्षको सोही अवधिमा बैंकको नाफा घटेको छ ।
एसबिआईले असोज मसान्तदेखि पुस मसान्त अवधीमा निक्षेप र कर्जा दुबै बढाएको छ । उक्त अवधिमा बैंकले निक्षेप ९४ अर्बबाट बढाएर ९७ अर्ब पुर्याएको छ । बैंकको कर्जा लगानी पनि असोज मसान्त ८४ अर्ब रहेकोमा पुसमा ९० अर्ब पुर्याएको छ ।
लगानी योग्य रकम बैंकमा केही रहेको देखिन्छ । बैंकको सिडी रेसियो भने ७७.७७ प्रतिशत रहेको छ ।
खराव कर्जा ज्यादै कम छ । नेपाल एसबिआई बैंकको ०.१९ प्रतिशत खराब कर्जा रहेको छ ।
२०७५ माघ १३ गते प्रकाशित
वि.सं.२०७५ माघ १३ आइतवार ०९:५९ मा प्रकाशित
