काठमाडौं । चालु आर्थिक वर्षको ६ महिनामै १ अर्ब ५२ करोड रुपैयाँ खुद नाफा गरेको एनआइसी एशिया बैंकको ४ अर्ब रुपैयाँको ऋण पत्र आज (आइतबार) देखि सर्वसाधारणले किन्न पाउने भएका छन् । वार्षिक १० प्रतिशत ब्याज दिने गरी उक्त ऋण पत्र बैंकले ल्याएको हो ।
बैंकले यसअघि नै एक हजार रुपैयाँ अंकित दरमा कूल ४० लाख कित्ता ऋणपत्र जारी गर्न नेपाल एसबिआई मर्चेन्ट बैंकिङ्ग लिमिटेडलाई
बिक्री प्रबन्धक नियुक्त गरेको थियो । जसमध्ये निष्काशित ऋणपत्रको ४० प्रतिशत अर्थात १६ लाख कित्ता सर्वसाधारणमा जारी गरेको छ भने ६० प्रतिशत अर्थात २ अर्ब ४० करोडको २४ लाख कित्ता व्यक्तिगत तबरबाट बिक्री गर्दै छ ।
सर्वसाधारणमा निष्काशन हुने ऋणपत्रमध्ये ८० हजार कित्ता सामूहिक लगानी कोषका इकाईलाई छुट्टाइएको छ । १५ लाख २० हजार कित्ता सर्वसाधारणलाई बिक्री हुनेछ । उक्त ऋणपत्रमा सर्वसाधारण लगानीकर्ताले न्यूनतम २५ कित्ता अर्थात २५ हजार रुपैयाँदेखि अधिकतम २० लाख कित्ता अर्थात दुई अर्ब रुपैयाँसम्मको आवेदन दिने व्यवस्था गरिएको छ ।
७७ जिल्लाबाट आवेदन गर्न सकिने व्यवस्था मिलाईको छ ।
इच्छुक लगानीकर्ताले ऋणपत्रमा छिटोमा माघ १६ गतेसम्म र आवश्यक आवेदन नपरेमा फागुन १३ गतेसम्म आवेदन गर्न सकिने व्यवस्था गरिएको छ । ऋणपत्रमा वार्षिक १० प्रतिशत नै ब्याजदर (अर्धवार्षिक रुपमा) भुक्तानी गरिने बैंकले जनाएको छ ।
२०७५ माघ १३ गते प्रकाशित
वि.सं.२०७५ माघ १३ आइतवार १०:०५ मा प्रकाशित