काठमाडौं । आशा लघुवित्त वित्तीय संस्था आइपिओ आज (शुक्रबार) देखि खुला भएको छ । उक्त संस्थाको सेयर माघ २२ गतेसम्म भर्न पाइने छ ।
उक्त लघुवित्तले ६ लाख ७४ हजार कित्ता आइपीओ खुला गरेको हो । जसमा १० हजार ३७० कित्ता कर्मचारी र ३३ हजार ७०० कित्ता सामूहिक लगानी कोषलाई छुट्याइएको छ । बाँकी ६ लाख २९ हजार ९३० कित्ता सेयरमा सर्वसाधारणले आवेदन दिन सक्नेछन् ।
आशा लुवित्तको आइपीओमा न्यूनतम १० कित्तादेखि अधिकतम ३ हजार ३७० कित्ता भर्न मिल्नेछ । उक्त संस्थाले सेयर बिक्री प्रबन्धकको काम गर्न यसअघि नै प्रभु क्यापिटललाई नियुक्ति गरेको थियो । सेयर खरिद गर्नका लागि सर्वसाधारणले सी–आस्वाको माध्यबाट आवेदन दिनुपर्नेछ ।
२०७५ माघ १८ गते प्रकाशित
वि.सं.२०७५ माघ १८ शुक्रवार ११:५३ मा प्रकाशित