काठमाडौं । शुक्रबारदेखि खुलेको आशा लघुवित्तको आइपीओमा दुई दिनमै १० गुणा भन्दा बढी सेयरका लागि आवेदन परेको छ । उक्त लघु वित्तले शुक्रबारदेखि सेयर बिक्री खुला गरेका हो ।
आशा लघु वित्तको आइपीओका लागि शुक्रबार र आइतबार दुई दिनमा करिव ६० लाख ६७ हजार कित्ताका लागि सेयर भरेका छन् ।
उक्त लघुवित्तले ६ लाख ७४ हजार कित्ता आइपीओ खुला गरेको हो । जसमा १० हजार ३७० कित्ता कर्मचारी र ३३ हजार ७०० कित्ता सामूहिक लगानी कोषलाई छुट्याइएको छ । बाँकी ६ लाख २९ हजार ९३० कित्ता सेयरमा सर्वसाधारणले आवेदन दिन सक्ने व्यवस्था गरेकोे छ ।
२२ गतेसम्म भर्न पाइने उक्त लघुवित्तको आइपीओमा अझै धेरै आवेदन पर्ने अनुमान गरिएको छ । आशा लुवित्तको आइपीओमा न्यूनतम १० कित्तादेखि अधिकतम ३ हजार ३७० कित्ता भर्न मिल्ने व्यवस्था गरिएको छ । उक्त संस्थाले सेयर बिक्री प्रबन्धकको काम प्रभु क्यापिटलले गरिरहेको छ । सेयर खरिद गर्नका लागि सर्वसाधारणले सी–आस्वाको माध्यबाट आवेदन दिन पाउने व्यवस्था गरेको छ ।
२०७५ माघ २१ गते प्रकाशित
वि.सं.२०७५ माघ २१ सोमवार ११:२३ मा प्रकाशित
