काठमाडौं । कृषि विकास बैंकले मकवानपुरको पालुङमा यात्रु प्रतिक्षालय निर्माणमा आर्थिक सहयोग गरेको छ । थाहा नगरपालिकाको ओखरबजारमा कृषि विकास बैंंकको रु. एक लाख तथा स्थानियको सहयोगरजनश्रमदानबाट निर्माण भएको यात्रु प्रतिक्षालयको गत शनिबार एक कार्यक्रमका बिच नगर प्रमुख लबशेर विष्ट र बैंकको क्षेत्रीय कार्यालयका निर्देशक बाबुकाजी थापाले संयुक्त रुपमा उदघाटन गरे ।
स्थानिय राजनैतिक नेता तथा भद्रभलादमीहरुको व्यापक सहभागीता रहेको उक्त कार्यक्रममा नगर प्रमुख विष्टले कृषि विकास बैंकले कर्जा तथा विभिन्न प्रकारको बैंकिंग सेवाबाट स्थानिय जनताको मन जित्न सफल भएको र नगरको एक मात्र पहिलो प्रतिक्षालय निमार्णमा गरेको सहयोगले गाडीको प्रतिक्षामा रहेको यात्रुलाई सहज बनाएको बताउँदै आगामी दिनमा यस्तै प्रकारका अन्य विकास निर्माणका कार्यक्रममा हातेमालो गरी अगाडी बढन नगरपालिका तयार रहेको बिचार व्यक्त गरे ।
बैंकका क्षेत्रीय निर्देशक थापाले यस प्रकारको सहयोग गर्न सकेकोमा प्रसन्नता व्यक्त गर्दै स्थानिय जनतालाई बैकले ल्याएको विभिन्न अत्याधुनिक सुविधा उपभोग गर्न अनुरोध गरे । उक्त कार्यक्रममा बैंकका वित्त तथा लेखा विभागका विभागिय प्रमुख यज्ञप्रकाश न्यौपाने, शाखा पालुंगका प्रबन्धक लगायत सम्पुर्ण कर्मचारी, उपमेयर खड्ग गोपाली, उद्योग बाणिज्य संघका महासचिव सुरेन्द्रमान प्रधान लगायतको उपस्थिती रहेको थियो । सो अवसरमा प्रतिक्षालय निर्माणमा सहयोग गर्ने बैक तथा अन्य दाताहरुलाई सम्मान स्वरुप प्रमाणपत्र समेत प्रदान गरिएको थियो ।
२०७५ माघ २१ गते प्रकाशित
वि.सं.२०७५ माघ २१ सोमवार ११:३६ मा प्रकाशित