काठमाडौं । त्रिशुली जलविद्युत् कम्पनीको आइपीओ आज बाडँफाडँ हुने भएको छ । उर्जामन्त्री वर्षमान पुनको प्रमुख आतिथ्यतामा जनताको जलविद्युत
कार्यक्रमअन्तर्गत ३७ मेगावाट क्षमताको माथिल्लो त्रिशुली ३ वि जलविद्युत आयोजनाको आइपीओ बाँडफाँड बिहीबार (आज) दिउसो १ बजे सिंहदरबारस्थित उर्जामन्त्रालयको सभाहलमा हुने भएको छ । उक्त कम्पनीको आइपिओमा १८ गुणा भन्दा बढी आवेदन परेको छ । कम्पनीले चैत ७ गतेदेखि ११ गते सम्म सर्वसाधारणका लागि ३५ लाख ९३ हजार ८५० कित्ता सेयर बिक्रीमा ल्याएको हो । कुल ३७ लाख ५ हजार कित्ता आइपीओ मध्ये १ लाख ११ हजार १५० कित्ता सेयर कर्मचारीका लागि छुट्याइएको छ ।
२०७५ चैत १४ गते प्रकाशित
वि.सं.२०७५ चैत १४ बिहीवार ११:१९ मा प्रकाशित