काठमाडौं । कृषि बिकास बैंक लिमिटेडको बैंक सञ्चालक समिति सदस्यमा कृषि तथा पशुपछी विकास मन्त्रालयको तर्फबाट प्रतिनिधित्व गर्ने गरी सरकारको (विभागीय मन्त्रिस्तर) निर्णय अनुसार उक्त मन्त्रालयका सहसचिव रघुराम विष्ट बैंक सञ्चालक समिति सदस्यमा पदमा नियूक्ति हुनु भएको छ । नवनियुक्त सञ्चालक सदस्यलाई कृषि विकास बैंक संचालक समिति अध्यक्ष क्षेत्रबहादुर सेंजुवालले बैंकको केन्द्रिय कार्यालय रामशाहपथ काठमाडौंमा पद तथा गोपनियताको सपथ ग्रहण गराउनु भयो ।
उक्त अवसरमा कृषि विकास बैंक सञ्चालक सदस्यहरु विष्णुप्रसाद नेपाल, डा. इन्दिरा श्रेष्ठ (मास्के), संजिव पौडेल, हप्रिसाद पराजुली, विनोद कुमार गुरांगाई, बैंकका प्रमुख कार्यकारी अधिकृत अनिलकुमार उपाध्याय, कम्पनी सचिव निर्मलप्रसाद उपाध्याय र बैंकका प्रवक्ता हिमलाल पौडेलको समेत उपस्थित रहेको थियो ।
२०७६ बैशाख १३ गते प्रकाशित
वि.सं.२०७६ वैशाख १३ शुक्रवार ०८:५६ मा प्रकाशित