काठमाडौं । बैंकहरुको नाफा अचाक्ली बढेकोे छ । २७ खर्ब माथि निक्षेप संकलन गरी साढे २४ खर्ब जति लगानी गरेका बैंकहरुले ब्याज, विदेशी मुद्रा सटहीलगायतको आम्दानीबाट नाफा कमाउन सफल भएका हुन् । २८ वटा वाणिज्य बैंकमध्ये १८ वटाले चालु आवको तेस्रो त्रैमासिक वित्तीय विवरण सार्वजनिक गरिरहेको छन भने अन्य बैंकले पनि धमाधम सार्वजनिक गर्ने तयारीमा छन् ।
आजसम्म सानिमा, नेपाल बैंक, ग्लोबल आइएमई, सनराइज, कुमारी, प्रभु, नेपाल एसबिआई, सिटिजन्स, सिद्धार्थ, एभरेष्ट, माछापुच्छे, एनएमबी बैंक, स्टयाण्डर्ड चार्टर्ड, नेपाल बंगालादेश बैंक, बैंक अफ काठमाण्डू, लक्ष्मी बैंक, नबिल बैंक र मेगा बैंकले चैतमसान्तसम्मको वित्तीय विवरण प्रकाशित गरिसकेका छन् । चालु आवको नौ महिनासम्मको वित्तीय विवरण सार्वजनिक गरिसकेका ती सबैं बैंकको कमाई अघिल्लो आर्थिक वर्षको सोही अवधिमा भन्दा निकै बढेको छ ।
नबिल बैंकले चालु आवको चैतमसान्तसम्म ३ अर्ब १९ करोड नाफा गरेको छ । गत वर्षको सोही अवधिमा ३ अर्ब ९ करोड नाफा गरेको थियो । मेगा बैंकले चालु आवको नौ महिनामा १ अर्ब २१ करोड नाफा गरेको छ । गत वर्षको सोही अवधिमा ५२ करोड नाफा गरेको थियो ।
चैत मसान्तसम्म एभरेस्ट बैंकले दुई अर्ब २१ करोड रुपैयाँ नाफा कमाएको छ । गत वर्ष एभरेस्ट बैंकले सो अवधिमा एक अर्ब ८७ करोड रुपैयाँ नाफा कमाएको थियो ।
चालु आर्थिक वर्षको नौ महिनामा एसबिआई बैंकले पनि एक अर्ब ६० करोड रुपैयाँ खुद नाफा कमाएको छ । गत वर्षको सोही अवधिमा एक अर्ब ३७ करोड नाफा कमाएको थियो । सिद्धार्थ बैंकले चालु आर्थिक वर्षको चैतसम्म एक अर्ब ५९ करोड नाफा कमाएको छ । पोहोर उक्त अवधिमा सिद्धार्थ बैंकको नाफा एक अर्ब ३८ करोड थियो ।
सानिमा बैंकले चालु आर्थिक वर्षको चैत मसान्तसम्ममा एक अर्ब ५७ करोड रुपैयाँ नाफा कमाएको छ । गत वर्षको चैत मसान्तसम्ममा यसको नाफा एक अर्ब २० करोड रुपैयाँ थियो । नेपाल बैंकले चालु आर्थिक वर्षको नौ महिनामा २ अर्ब २४ करोड नाफा गरेको छ । गत वर्षको सोही अवधिमा उक्त बैंकले २ अर्ब ५६ करोड नाफा गरेको थियो ।
माछापुच्छ«े बैंकले चालु आर्थिक वर्षको नौ महिनामा एक अर्ब २४ करोड नाफा गरेको छ । गत वर्षको चैत मसान्तमा माछापुच्छ«े बैंकले ८५ करोड मात्र नाफा गरेको थियो । यसैगरी, सिटिजन्स बैंकले चालु आर्थिक वर्षको चैत मसान्तसम्म एक अर्ब ६ करोड नाफा गरेको छ । गत वर्षको सोही अवधिमा यसले एक अर्ब नाफा गरेको थियो ।
ग्लोबल आइएमई बैंकले चालु आर्थिक वर्षको नौ महिनामा १ अर्ब ८७ करोड नाफा गरेको छ । गत वर्षको सोही अवधिमा उक्त बैंकले १ अर्ब ४१ करोड नाफा गरेको थियो । सनराई बैंकले चालु आर्थिक वर्षको चैतमसान्तसम्म १ अर्ब २२ करोड नाफा गर्न सफल भएको छ । गत वर्षको सोही अवधिमा उक्त बैंकले ९४ करोड नाफा गरेको थियो ।
यसैगरी, कुमारी बैंकले चालु आवको नौ महिनामा १ अर्ब ३२ करोड नाफा गरेको छ । गत वर्षको सोही अवधिमा उक्त बैंकले ७३ करोड मात्र नाफा गरेको थियो । प्रभु बैंकले चालु आवको चैतसमान्तसम्म १ अर्ब ४५ करोड नाफा गरेको छ । गत आवको सोही अवधिमा ९१ करोड ७० लाख नाफा गरेको थियो ।
यसैगरी एनएमबी बैंकले चालु आवको नौ महिनामा १ अर्ब ६५ करोड नाफा गरेको छ । गत आवको सोही अवधिमा उक्त बैंकले १ अर्ब ३७ करोड नाफा गरेको थियो । स्टयाण्डर्ड चार्टड बैंकले चालु आवको चैतमसान्तसम्म १ अर्ब ६७ करोड नाफा गरेको छ । गत वर्षको सोही अवधिमा १ अर्ब ५३ करोड नाफा गरेको थियो ।
नेपाल बंगालादेश बैंकले चालु आवको नौ महिनामा १ अर्ब १४ करोड नाफा गरेको छ । गत वर्षको सोही अवधिमा ७३ करोड मात्र नाफा गरेको थियो । बैंक अफ काठमाण्डूले चालु आवको चैतमसान्तसम्म १ अर्ब २० करोड नाफा गरेको छ । गत वर्षको सोही अवधिमा १ अर्ब नाफा गरेको थियो । लक्ष्मी बैंकले चालु आवको नौ महिनामा १ अर्ब २ करोड नाफा गरेको छ । गत वर्षको सोही अवधिमा ८६ करोड मात्र नाफा गरेको थियो ।
०७६ बैशाख २५ गते प्रकाशित
वि.सं.२०७६ वैशाख २५ बुधवार १०:०५ मा प्रकाशित
