काठमाडौं । मल्टी ब्राण्ड इलेक्ट्रोनिक रिटेल चेन स्वीच अनले जेठ १ गतेदेखि जेठ ३ गतेसम्म पहिलो पटक फ्रन्चाईज मिटको आयोजना गरेको छ । सामसुङ, हिमस्टार, बजाज, अहुजा, टाईमेक्स, ओस्राम जस्ता विश्वस्तरीय उत्कृष्ट ब्राण्डहरु रहेको स्वीच अन इलेक्ट्रोनिक आवश्यकताहरुलाई पूरा गर्ने वान स्टप सोलुसन हो ।
देशभरका फ्रन्चाईजी पार्टनरहरुले स्वीच अनको तीन दिने फ्रन्चाईज मिटमा उत्साहपूर्ण सहभागिता जनाएका छन् । उनीहरुलाई उच्च प्रदर्शन गर्न एवं ग्राहकहरुको अनुभव बढाउँन उत्पादन, सफ्ट स्कील तथा अकाउन्ट लगायतमा प्रशिक्षण दिइएको छ । यस फ्रन्चाईज मिटले फ्रन्चाईजी पार्टनरहरुलाई प्रतिस्पर्धात्मक लाभहरु लिन मद्दत पुग्ने विश्वास गरिएको छ ।
फ्रन्चाईज मिटमा सम्बोधन गर्दै स्वीच अनकी म्यानेजिङ डाइरेक्टर शिमा गोल्छाले स्वीच अनले साना खुद्रा विक्रेताहरुलाई प्रवद्र्धन गरेर स्वदेशी तथा विदेशी ब्राण्डको हिस्सा बन्न अवसर प्रदान गर्ने वताउनु भयो । स्वीच अन देशभर रहेको आउटलेटमा पारदर्शिता, एकरुपता तथा स्थीरतामा गर्व गर्दछ ।
म्यानेजर माधब मल्लले स्वीच अन सदैव ग्राहकहरुको सन्तुष्टिलाई मध्यनजर गर्दै उनीहरुलाई अन्तर्राष्ट्रिय गुणस्तर तथा विश्वका उत्कृष्ट उत्पादनहरु सुपथ मुल्यमा प्रदान गर्न केन्द्रित रहने बताउनुभयो । स्वीच अनका देशभर २२ वटा फ्रन्चाईज पार्टनरहरु रहेका छन् जसमार्फत टिभी, रेफ्रिजेरेटर, वासिंग मेसिन, कुलर, एलईडी लाईट, स्पीकर, घडी जस्ता घरयासी सामग्रहरु बिक्री बितरण गर्दै आईरहेको छ ।
२०७६ बैशाख ५ गते प्रकाशित
वि.सं.२०७६ जेठ ५ आइतवार ११:२६ मा प्रकाशित
