काठमाडौं । देवः विकास बैंकले गत आ.वको नाफाबाट वितरण गर्न प्रस्ताव गरेको लाभांश प्राप्त गर्न आज असार ५ गतेसम्म शेयरधनी बन्नुपर्नेछ। बैंकले बाह्रौं वार्षिक साधारण सभाका लागि ६ गतेदेखि शेयरधनी दर्ता किताव बन्द गर्दैछ । यस आधारमा बुकक्लोजको अघिल्लो दिनसम्म कायम रहने शेयरधनी मात्र लाभांश प्राप्त गर्नुका साथै साधारण सभामा सहभागिता जनाउन पाउनेछन्।
देव विकास बैंकले वेष्टर्न डेभलपमेन्ट बैंकलाई प्राप्तीसँग सम्बन्धित विभिन्न प्रस्ताव उपर छलफल गरि पारित गर्न अगामी असार १२ गते बिहीबार बाह्रौं वार्षिक साधारण सभा आह्वान गरेको छ । बैंकले आर्थिक वर्ष २०७४/०७५ को मुनाफाबाट प्रस्ताव गरेको चुक्ता पूँजी दुई अर्ब ५३ करोड ३६ लाख ८० हजार ३४८ रुपैयाँको ५.५ प्रतिशत अर्थात १३ लाख ९३ हजार ५२४ कित्ता बोनस बोनस वितरण गर्ने प्रस्ताव गर्नेछ।
बैंकले अन्य बैंक तथा वित्तीय संस्थासँग मर्जर वा प्राप्ती तथा विदेशी रणनैतिक साझेदार भित्र्याउन आवश्यक कार्यहरु गर्ने सम्पूर्ण अधिकार सञ्चालक समितिलाई प्रत्योजन गर्ने लगायतका मुख्य एजेण्डा रहेको छ।
२०७६ असार ५ गते प्रकाशित
वि.सं.२०७६ असार ५ बिहीवार १२:१९ मा प्रकाशित