काठमाडौं । शुक्रबार संसदमा भएको आर्थिक वर्षको बजेट माथिको छलफल सभामा बोल्दै पूर्व प्रधानमन्त्री डा।बाबुराम भट्टराईले हालका बैंकहरु आधुनिक सुधखोर भएको आरोप लगाएका छन् । अर्थमन्त्री समेत भइसकेका भट्टराईले बजेट व्यवस्थापन र अर्थतन्त्रको सुधारमा बैंकहरु चुनौंतिको रुपमा रहेकाले बैंकिङ्ग प्रणाली सुधार्नु पर्नेमा जोड दिएका छन् ।
‘अहिलेका बैंकहरु आधुनिक सुदखोरहरु हुन् । यिनले आफु मोटाउने र देशलाई डुबाउने गर्छन् ।’ उनले भने, ‘सरकारले बैंकिङ्ग क्षेत्रलाई सुधार्ने खालका नीति तथा कार्यक्रमहरु ल्याउनु पर्छ । अनिमात्र बजेटले व्यवस्था गरेको योजनाहरु कार्यन्वयनमा सफलता मिल्छ ।’
भट्टराईका अनुसार बैंकहरु राष्ट्रको सर्वोपरी आर्थिक उपार्जन र मुलुकको अर्थतन्त्र सुधारमा भन्दा पनि कमाउने तर्फ मात्र केन्द्रि भएका छन् । उत्पादनशील क्षेत्रमा भन्दा अनुत्पादनशील क्षेत्र जहाँ व्याज धेरै आउँछ त्यतै लाग्ने गरेका छन् । बैंकहरु बसेर ब्याज खाने सुधखोर भएका हुन् ।
२०७६ असार ६ गते प्रकाशित
वि.सं.२०७६ असार ६ शुक्रवार १५:२७ मा प्रकाशित
